يا عيال دوكم لحيتي كلها شيب

هذه القصيدة لشاعر كبير في السن وجد عقوق الوالد من أولاده الثلاثة

فتركوه وذهبوا معهم نسائهم







قال الذي يقرا بليا مكاتيب
يا عيالي اللي تشرفون المراقيب
خوذوا كلام الصدق ما به تكاذيب
ياعيال لا صرتوا ضيوف ومعازيب
وتروا السبابه من كبار العذاريب
المذهب الطيب فهو مذهب الطيب
يا عيال ما سرحتكم باللواهيب
يا ما توليت القبايل تقل ذيب
وياماشـريت السمن من عـرض ماجـيب ياما قطعت من الفيافي العباعيب
يا عيال دوكم لحيتي كلها شيب
قمت اتوكا فوق عوج المصاليب
عطوني القرضة عليكم مطاليب
لابد يوم ٍ عاوي ٍ دوني الذيب
ما ني بفاضحكم بوسط الاجانيب
لو كان تدرون الردى والمعاييب
خوالكم بالطيب تروي المغاليب
وش علمكم يا تاركين المواجيب
يالله عسى اعماركم شمسها تغيب
يا علكم في حاميات اللواهيب
شفت الجفا والحيف والغلب والريب
اطلب عسى نساكم ما تحمل ولا تجيب
اخسـوا خسيـتوا يا كبار اللغابيب ــــــــــــــــ

ياللي تقرون العمى من عناكم
تريضوا لي واقصروا من خطاكم
مثل السند مضموم للي وراكم
ترى الكلام الزين ملحة قراكم
وهرج البلايس ما يطول لحاكم
والمذهب الخايب يبور نساكم
يا عيال ما عمر المعزب ولاكم
من خوف لا ينقص عليكم عشاكم
يفز قلبي يوم يبكي حداكــــــــــم
ندور من صيد البراري غذاكم
هذا زمان قعودنا في ذراكم
قصرت خطانا يوم طالت خطاكم
عطوني القرضة جزى من جزاكم
بالقبر ما افرق طيبكم من رداكم
باعمالكم يدرون كل اقرباكم
صرتوا مع المخلوق مثل خوياكم
ولو تتبعون الجد محدٍ شناكم
حسبي عليكم هالردى وين جاكم
يعتم قمركم ثم تظلم سماكم
ياللي على الوالد خبيث ٍ لغاكم
بضلوعكم لا بيض الله قراكم
ولا احد ٍ من الوغدان يمشي وراكم
اهبوا هبيتوا يقطع الله نماكم