السلام عليكم ورحمة الله وبركاته ..
حبيباتي .........
طلبتكم لا تردوني بالذات اللي لهم خبره بالحياه ....
ببداء على طول ويارب تفيدوني لو بدعوه في ظهر الغيب .......
أنا كنت متكلم علي أبن عمي من 6 سنوات يقول فلانه لاتروح لحد غيري وأنتشر الكلام بين الناس إنو فلان لفلانه
وكل ما أنخطب تخرب الخطبه عشان هذا الكلام وظليت 6 سنوات
وأخيرا عزم ( الحبيب) وجاء وسوى ..الملكه .. بعد ما امي هزئته وقالت له ياتعال أخذها يا أتركها تشوف نصيبها بلا كثرة كلام
تبون الصدق ( أنا بنيت أحلامي معه وحبيته وما كنت متخيله آخذ احد غيره )
سوى الملكه ولا شافني ولا شفته ولا اعرف ملامحه من قريب بس أشوفه في الشارع من بعيد وهو ما يعرف وجهي شلون صاير ...
المهم ... يوم من الايام جاني عرض عمل في مستشفى وحبيت أخذ رايه قمت ارسلت له رساله وقلت تحب إني اروح ولا لا خصوصا انو فيها عقد لمدة سنتين .. وكنت أبغاه يرد لي برساله مثل يوم ارسلت له
بس هو طلع شاطر قام أتصل وانا رديت وكلمته بالموضوع وقال لاتروحين إذا لي خاطر عندك وإحترمت رغبته وتركتها لأني خفت اسوى معاهم العقد وسنه وأتزوج ويقوم يطلعني من العمل
ومن هذاك اليوم وهو يكلمني ... أنا ما حبيت المكالمات والله بس إستحيت أكسرها في خاطره .... أمورنا ماشيه تمام التمام الحمد لله لنا حدود ما نتعداها وإحترام قائم بينا
بس المشكله أنو انا صرت أغلب المكالمات ساكته وهو يقولي ليش ساكته طفشتي مني والله لو طفشتي مني ما عاد اتصل ولا عاد تشوفين رقمي وأنا تعودت عليه بس ما عندي جديد اتكلم وياه فيه ولا حركات ولا نكت وضحك أحس اني هبله أوقات ما أعرف شلون أكسب قلبه في هذه الفتره خاصه إنها فتره بدايه واللي يبداء على شي ينتهى عليه
أنا أبغاكم تنصحوني تدلوني على أشياء جديده تكبرني بعينه وتحببه فيني بس تكون بإحترام ما أبغى اتعدى الحدود عشان ما يأخذ عني فكره بطاله ..
ثاني شي .. طلب مني يشوفني ( لأنو عمره ما شافني بس يقول من ورى اهلك وأنا أخاف انو يشك فيني بكره يقول مثل ما خانت أهلها وطلعت وشفتها سرقه بكره تسوى فيني نفس الشي قمت رفضت قلت أنت ترضى أسوي شي من وراك قال لا قلت أنا كذا ما أحب اسوي شي من ورى أهلي خاصة إني في بيتهم للحين
كمان أحسه هالفتره متغير كأنه مل مني ومن الروتين .... كيف أجدد الجو وخليه كل يوم يكتشف شي جديد فيني ويحبني
وأبغاء أعرف وش يحبب الرجل بالمرأه في كل شي ... وقت الزعل ...وقت الفرح ...وقت وهو متضايق ...كيف أكون صديقته مو زوجته كل شي يعلمني فيه ما يخبي شي عني ...أبغاء أساليب ذكاء تساعدني على بناء حياتي أنا أوقات أجهل التعامل معه ....
طلبتكم إنصحوني مالي غيركم ... أمي أميه مجننه أبوي ما بينهم تفاهم ما أبغاء أعيد تجربة أمي في حياتي ...
أبغاء حياة هادئه وأبغاء أبداءها من البدايه ....
أمااااااااااااااااااانه اللي يمر يرد لو بدعوه قولو يارب يسخره لها .....
والله يكرم البنات اللي عازبات بعرسان يشوفونهم الدنيا ومن فيها قولو آآآآآآمين ...........
:09: تعبت وأنا أكتب تكفون لا تخجلوني أول مره أكتب موضوع فيه طلب ....:26:
غنية بأخلاقي @ghny_bakhlaky_1
عضوة جديدة
يلزم عليك تسجيل الدخول أولًا لكتابة تعليق.
MEMOOO
•
انتي تقولين انه سوا الملكة يعني هو زوجك في شرع الله ...اي كلام بينكم حلال صح لازم ما تتكلمون في الاشياء الكبيرة...لاكم في مجتمع ما يسمح لكم هالشئ...فيمكن هو راح يتضايق او تصغرين في عيونه بس انا حبيت اني اقول لك انه الي دار بينكم حلال وما يغضب الله باذن الله اذا كرر انه يبغى يشوفك...ساليه اذا يرضى انك تستشيرين ابوك حتى يخليكم تشوفون بعض قلتي له عن هواياتك..اهتماماتك بالحياة لا تقولين له عيوبك وعيوب اهلك والمواقف السيئة الي صادفتك ...لان الرجال ياخذها مذلة لزوجته هذا الي جاء على بالي الحين الله يوفقكم وييسر اموركم ويسعدكم اللهم امينانتي تقولين انه سوا الملكة يعني هو زوجك في شرع الله ...اي كلام بينكم حلال صح لازم ما تتكلمون في...
طيب لو ما تردين على كل مكالماته علشان تجمعين شوية حكي...
مرة قولي له إنك مشغولة ومرة الجوال ما كان معي ويللا زي كذا...
الله يوفقك ويسعدك يارب..
مرة قولي له إنك مشغولة ومرة الجوال ما كان معي ويللا زي كذا...
الله يوفقك ويسعدك يارب..
الصفحة الأخيرة
يعني هو زوجك في شرع الله ...اي كلام بينكم حلال
صح لازم ما تتكلمون في الاشياء الكبيرة...لاكم في مجتمع ما يسمح لكم هالشئ...فيمكن هو راح يتضايق او تصغرين في عيونه
بس انا حبيت اني اقول لك انه الي دار بينكم حلال وما يغضب الله باذن الله
اذا كرر انه يبغى يشوفك...ساليه اذا يرضى انك تستشيرين ابوك حتى يخليكم تشوفون بعض
قلتي له عن هواياتك..اهتماماتك بالحياة
لا تقولين له عيوبك وعيوب اهلك والمواقف السيئة الي صادفتك ...لان الرجال ياخذها مذلة لزوجته
هذا الي جاء على بالي الحين
الله يوفقكم وييسر اموركم ويسعدكم اللهم امين