السلام عليكم بنات..
أبشركم بعد جهد جهيد بيشوف موضوعي النور..ماهو من حلاته ..لأ لأ..عشان أشغال الحياة ..الله يعين عليها
هذا أول موضوع لي ..
يافرحتي ياهنايه..
موضوعي اليوم ماهو جديد عليكم لكن بقراشيع ثانية..
تصدقون بنات..عمري ما فكرت أسوي لي شي للبيت من صنع إيدي
لكن شفت بنات حواء وإبداعاتهم..قلت ليش ما أحاول أخربط وأخربط وأطلع لي شي ومن زود الحماس
توقعت إني بأسوي قنبله نوويه..
المهم فكرة إني أسوي شي عششت في دماغي..قلت لبناتي ..أكيد تعرفون وش بيصير بعدها..
فرحة..فرحة..
وهاتك يازنننننننننننن..كل يوم يالله ياماما نسوي عمل..
(يامن جاب له من حلاله علة)
أنا وش خلاني أقول لهم..فشلوني قدام أبوهم..
في يوم شرينا شوكلاته..ولما خلصت لقيت العلبه قدامي ونطت من راسي علامات إستفهام كبيرة..
ياكبرها كبراه..قلت لبناتي خبوها يمكن نحتاجها في عملنا..ياسلااااااااااااااااااام أول مرة أحس إن بناتي
أمينات ..مرت الشهور وهم شايلينها في عيونهم..
فكرت وفكرت ..وش أسوي (توهقت مع بناتي) قلت لهم وش رايكم نحط فيها إكسسواراتكم ..
(بالله هذا تسمينه عمل)
قلت بحاول أقسم العلبه..وجتني فكرة ثانيه ..طلبت من بزاريني إنهم يجمعون لي هذا الشي..
عرفتوه ؟؟الكرتونه الرول إللي داخل لفة المناديل...وياسللللللللللللللللللللللللامي سلااااااااااااام الله..
على نفسها جنت براقش ..بعد ما كانت لفة المناديل تجلس عندنا ثلاث أيام صارت تجلس يوم..وهاتك
يا سباق ..كلن يقول جمعت أكثر من فلان..
إنتهى التبذير أقصد التجميع بحمد الله..
جهزنا ورشة العمل.. (أهم شي ما توقف لنا إمريكا) ..الرولات جاهزة وشرايط ساتان من عهد جدتي..
وصمغ سارقينه من مكتب زوجي..وورقتين سطونا عليها من جنب الطابعة..ومقص مصدي ..يسوي لنا جو موسيقي أثناء العمل..
قطعت الرولات الكرتونيه بهالشكل..
وغلفت العلبة من الداخل بالورق الأبيض ..
ولفيت شرايط الساتان ولصقتها بالصمغ وسويت لها فيونكه..
ورصيت الرولات جنب بعضها .. أهم شي تكون متقاربه من بعض .ولصقتها بالأشطرطون الشفاف
كل وحدة مع الثانيه وحاولت ألصقها بجوانب العلبة..
بس ..كل هذي الحوسة عشان نسوي منظم إكسسوارات..
رصينا فيها إكسسوارات بناتي .. وكل وحدة تقول أنا بشيلها ووديها على التسريحة..
تصدقون عندهم علب إكسسوارات كثير بس ما فرحوا بها مثل فرحتهم بهذا الإنجاز..
وهذا الشكل النهائي ..
أتمنى يعجبكم ..
هات ردودكم الحلوة ..بس أبغاها غيييير ..أبغى رأيكم في كل شي ..في الخلفيه
والخط وأسلوب الكتابه وطريقة العمل والألوان ...و..و...وكل شي بنات .
خلونا نسولف ..أنا راعية سواليف ما نبغى يسلموو و روعه والزي منه..
أبغى ردود تليق ببنات عالم حواء.. قولوا وش عجبكم و وش ما عجبكم..
بس بشويش لا تحطموني..
تراني أحب المزح فلا تاخذون كل كلامي بجديه..الله يسعدكم ..
تقبلوا تحياتي وتوقيعي..
ما شاء الله عليك والله طالع شكلها
مرتب وحلو واسلوبك احلى
احسك راعية سوالييف وفله ما شاء الله عليك
وبث
يسلموو