رابانزر مشكورة يا بنتي على هده البديرة الرائعة وجعلها الله في ميزان حسناتك

حبيبتي اقتراح رائع. وانا ايضا عندي اعمال كتيرة لاني اعمل بالسيراميك منذ 5سنوات تقريبا لكن ما عندي كاميرا لعرضها .وبالنسبة للعجين فاسهل وارخص طريقة هي التالية وهي التي استعملها :
مقياس غراء خشب +نفس المقياس نشا +ملعقة زيت عادي +ملعقة صغيرة نيزدوغ و القليلمن الملح تطهي فوق مقلاة طيفال مع التحريك فوق نار هادئة حتى تري انها لم تعد تلتق بالملعقة تمدد فوق سطح نقي وتدعك مع دهن اليد بالزيت العادي تلف في ورق بلاستيك و تترك ترتاح مدة ساعتين وبعد دلك تشكل حسب الرغبة .اتمنى اكون افدتك:26:

السلام عليكم
اختي بلبلة انا ما استخدم في عجينتي غير الغراء والنشاء والزيت بعد الانتهاء عشان ما تلصق في الكيس واذا ابغى الوردة بيضاء ما اضيف اي شي والله بياض العجينة مثل الثلج اهم شي اليد تكون نظيفة وقت العمل ثم بعد الانتهاء من الشكل النهائي للوردة رشي عليها ضروري فرنيش ملمع الورود وتلقيه بخاخ ترشي على الوردة او يدوي على شكل علبة وانتي تغمسي فيها كل بتله (اجزاء الوردة ) وكلها حلوةتعرفي الفرق ايش هو اليدوي تكون لمعة اقوى ودوام بقاء الوردة تكون اطول لان الوردة تكون مغلفة بطبقة كثيفة اما الرش حتكون طبقة اخف ومع الزمن تخف والوردة تنعدم ...
وبعدين حبيبتي الغراء لاتوجد معاناة معاكي الامر بسيط كل وحدة لمن تقول عن نوع معين في الغراء على حسب المنطقة الي ساكنها فيها وبل عكس اتوقع بيكون في مصر غراء حلو وارخص وانتي روحي محل الخشب وقولي للرجال اعطيني علبة غراء خشب صغيرة وقولي له ابغى غراء ألماني الصنع واذا ما في اختاري من عنده كم نوع بس علب صغيرة وانتي جربي مو مشكلة تخسري فلوس عادي اهم شي تشتري العلم ولو بالذهب ونفس الشي روحي المكتبات وخذي كم نوع وجربي وشوفي الافضل واهم شي يكون لون الغراء ابيض ناصع ولو فتحتي الغطاء ولقيتي موية بسيطة لا تاخذيه ولو لقيته الغراء خفيف لاتاخذية نحن نبغاه ثقيل ولو عجنتي استني شوية تمهلي لا تستخدمي كمية كبيرة او تصنعي كمية كبيرة عشان لا يروح تعبك هباء منثور جربي بس بتلة او وردة واستني حتى تنشف تماما ارجعي لها اليوم التاني وشوفي حاولي انك تكسري الوردة بس بخفة تنكسر على طول ؟ وشوفي من النظر الشكل تحسي متقن بس انتبهي الاساس من العجينة اعجني صح تلاقي صح لا تخلي الغراء زايد عن حده اعتبري نفسك تعجني عجينة عاديه حقت اكل بحيث انك ما تكثري الموية في عجينة الاكل .
واتمنى من كل قلبي انك ما تيأسي ابدا والله هذا الفن حلو وراقي جدا وممكن تخرجي منه بذهب خصوصا لو تشتغلي ورود اهداءات .
الاخت عائشة السائق وام كمال الله يسعدكم انكم شجعتوني اكثر ويسلمووووووووو.
oumimam ملعقة صغيرة نيزدوغ و القليلمن الملح انا اول مرة اسمع فيه اوصفيلي ايش هادا الشي ؟وايش فايدته وفين ألقاه ؟
وتسلمي على الفايدة واتمنى لو انك تكتبي لنا افكار او تجارب او اخطاء اثناء العمل عشان ما نوقع فيه .

فكرتك رائعة وخبرتك واسعة
الله يجازيك كل خير

عندي فايدة بالنسبه لالوان السراميك طبعا الالوان تختلف من منطقة لاخرى ..
بس الي اعرفة ألوان صبغة ديلون (dylon)
وافضل نمرة لأوراق الشجر اخضر 24
يكون اللون طبيعي وجميل جدا
وهذه الصبغة عبارة عن بودرة تحليها بموية وتغمقي اللون بكثرة البودرة وتفتحيه بقلتة بس ما تقليلي البودرة مرة عشان اللون ما يطلع باهت
وطبعا تشتري درجات لالوان الزهري حتى يكون احلى وقت ما تسوي باقة
وفيه طريقة حلوة لاجل انك توفري الجهد بحيث وقت العجن تضيفي البودرة وتعجني وهذه الطريقة على حسب الورود
وطريقة اخرى بعد ما تعجني العجينة خذي شوية من العجينة ورشي عليها شوية صبغة وشكلي ولا تكثري مرة بودرة كثيرة لانه وقت الفرد بالنشابة ما تكون العجينة مرنة .
وفيه فكرة حلوة انا هذه الفترة خلصت الوان السراميك عندي واحترت كيف ألون ؟
وقلت اها فكرة حلوة ليش ما اجرب صفار الزعفران وليس الزعفران نفسه حطيت شوية بودرة الزعفران في موية وحتى والله ذرة واصبح اللون اصفر قاني ولونت فيه البراعم والله روعة ونفس مفعول الصبغة ويمكن احلى اللون طبيعي اهم شي لا تكثري اللون كانك تحطي فانيلا على مقادير الكيك لانك لو كثرتي بيطلع اصفر فاقع
وممكن جربي اعجنيه مع العجينة او بعد.
من الافكار في التلوين مرة جربت اللون الاحمر من الوان القماش اوكيه طلع اللون بس حسيت ثقيل على الوردة واللون يطبع على اليد .
ومممكن فكرة تراودني اني احط صبغة اكل لون احمر وبرتقالي وغيره بس ما جربت بليز لو حده عندها صبغة اكل تجرب انا ما عندي حاليا ان شاء الله اشتري واجرب واقولكم على النتيجة .
وممكن فكرة بس ما جربتها الالوان المائية الي تجي في علب على شكل دوائر الوانها خفيفة واتوقع انها بتطلع حلوة وكأن الوردة طبيعية ان شاء الله اجرب واقلكم وياليت وحدة تجرب وتقول لنا .
بالنسبة للفرنيش نسيت اقولكم مرة سار معايا موقف ما ادري احسه ذكاء مني ههههه اشتريت ورنيش من صاحب البويات نوع نطلي فيه الابواب للتلميع اتخيلوا شكل الوردة ؟هههه استاذة السراميك سارت تضحك من المنظر يدوب الورنيش يفك عن الوردة .
ومرة اشتريت علبة ورنيش صغيرة مرة لاعمال الزجاج وبرضوا مقلب الريحة قوية وصح مسك على الوردة بس مستحيل بهذه العلبة الصغيرة اني اشتغل فيها والافضل الفرنيش الي من المكتبات سواء يدوي او بخاخ وعملية التلميع ضروري للورة لاجل ما تتسخ الوردة وتنعدم.
وان شاء الله المرة الجاية اقلكم طريقة العناية بورد السراميك .