يا فنانات يا ذويقات.... طلبتكم أفكار لغرفة نومي والمطبخ

مرحبا بنات:

قد أكون أول مرة أشارك في القسم ،، لكن انا متابعة قديمة لكن و لفنكم و أفكاركم و قد أستفدت كثير منها في تزيين بيتي و الحمدلله خاصة عجينة الورق مرة روعة سويت بها جدار المدخل و طالع روووعة و اكل يسألني عنه كيف مسويته!!!! و أفكار كثير الله يعطيكم العافية....

الحين ، ابغاكم تشغلون عقولكم العبقرية ، و تدورون لي أفكار بسيطة و سهلة لتزيين مطبخي و غرفتي ، أبغى حاجات ناعمة ولو غريبة شوي أكون شاكرة لكن..

بالنسبة لغرفتي لونها وردي فاتح و السراميك وردي و أبيض و الجدران صابغتها وردي والسقف أبيض و الستائر وردية ، و انا راح أغير مكان السرير و المفرش و بعد بحط تحت السرير أريكة و سجادة في الوسط ، فا أبغى أقتراحات للالوان ، و بعد الجدران أحس انها فاضية أبغى اقتراحات وش أحط فيها من دون ما أدق أي مسمار يعني بلصق فقط ، و انا في راس فكرة اني ألصق شموع صغيرة بس وشلون ؟؟؟ أبغى أفكار ، بعد أنا حاط طاولة تلفزيون و طاولة كمبيوتر لونهم بني لذلك غيرت مقابض الغرفة لبني نفس الدرجة لانه الباب بني ، و راح أحط ثلاجة صغيرة وش بعد؟؟؟ بس هذا كل المعلومات عن غرفتي....

بالنسبة لمطبخي ،، هو جديد لونه خشبي فاتح هذا اللي موديله أبوابه مدرجة مثل الشباك ،، بس مطبخي صغير أبغى بس أكسسوارت بسيطة و ناعمة يعني صور حاجة تعلق أو تلصق ، و بعد الشباك انا حاطة ستارة مطبخ بنية أبغى اعلق فيها حاجة خاصة انها بس منظر لانه الشباك مقفل ما أفتحه أبدا و فيه باب يفتح على السور أبغى أزينه بعد ، و ابغى أفكار لحاجات للتعطير تدوم....

يالله حبيباتي شغلن أفكاركن و ساعدوني ، و لا تتاخرون علي.....

و مشكورات مقدما ،،