يا كبرها عند الله

السلام عليكم
مرحبا بنات شخباركم
طبعا انا معروفة بالكسل: :11:
واتعيجز أكتب موضوع
بس هالمرة خلاص أحس صج صج ارتفع ضغطي ولا ابي من هالموضوع الا الأجر :icon29:
في غلط معضمنا اذا مو كلنا نطيح فيه في المنتديات في التجمعيات في الوظيفة بأي مكان في زميلاتنا
الا وهو :
انج لما تسمعين سالفة من وحدة متهاوشة او تشتكي عن زوجها , حماتها , خدامتها ، ان شاء الله وحده من الشارع
ع طول قلنا حسبي الله ونعم الوكيل فيها وعساها وعساها ...... ويارب يصير ويصير
عاد انت ورى الشاشة يا كبرها عند الله ادعي عالمجهول بمجرد اني سمعت وحدة تشتكي منها بالله هذي ظالمتها ااو ثنتينهم مظلومات او فاهمة الموضوع غلط او ........ او .............
صدف اني في دوامي القديم كنت اعرف بنت امورة وحليوة وماكانت متزوجة بعد مانقلت صارت عندي وحدة بينها وبين زوجها الف مشكلة يمكن مو متفاهمين او ما الله موفق بينهم .......
وكانت مسكينة حيل تعبانة منه بعد فترة تطلقوا وراح كلن بطريقة تزوج الرجال وطبعا وصل لزوجته الخبر وقامت تبجي بالدوام وانا مالومها مسكينة وصدف ان اللي تزوجها البنوته اللي بدوامي القديم حبوبة وتبي الستر طبعا الزوجة الاولى تدعي عليهم يمكن من حر مافيها شكوا البنات وياها :
الله لايوفقها ولا يوفقه
وعساهم يحترقون ولا يتهنون :
ووووووووووووووووووووووووووووووو::06:
مو حرام ندعي على احد ماله ذنب بمجرد انا سمعنا يعني حرام يدعون ع هالفقيرة اللي مالها ذنب الا ان حظها جذيه
طبعا هذي مثال والمواضيع وايد
يابنات الله العالم بالخفايا ولاتظلمون احد لو الحين وانت تقرين مشكلة بنت بالمنتدى
ادعولها بالتوفيق او الله مع الحق
حرام تخيلوا هالدعوة ترجع لكم او حتى تصيب ؟؟؟؟؟؟؟؟؟؟؟
طولت عليكم اتمنى ماتظلمون احد لو كنتم مو قاصدين
ادعولي بالولد الصالح
واني امي تشوف ذريتي عاجلا غير اجل يارب
وتحياتي :32:
احبكم: