يا كثر الكلام القاسي لكن هذه كانت غير !!!!

تأخر الحمل

السلام عليكم !!
اخواتي كثير من الكلام الجارح يمر علينا ونتحمل ... واحيانا تقولين زلة لسان !!.. مع علمك الكامل انها مش زلة لكن ايش بيدك تعملين غير تضحكين على نفسك وتصدقين كذبتك وتقولين زلة عشان تقدرين تستمرين !!
احيانا تلقين الهمز واللمز ...واحيان تلقين الاتهام بانك مهملة في العلاج وانك ظالمة لولد الناس ومخليته من دون اطفال و...و...و... الخ ...الخ ..الخ من الكلام اللي ماله طعم ولا لون !!
لكن لما تجيك من اقرب الناس لك !!.. من اهلك اللي تشوفين فيهم السند والله صعبة !!
اذبحتني كلمة اختي وزوجة اخوي كانوا بيسوون حفلة لعيالهم بمناسبة النجاح ... وانا فرحانه لهم وقلت بجيب هدايا وامد لهم يدي بالمساعدة اكيد حوسة وصجة ... بيني وبينكم مافي احلى من فرحة العيال لما تعطينهم هدايا وتشوفين في عيونهم النشوة والسعادة وكل نظراتهم امتنان وحب !!!... قلت لهم بأجي واساعدكم .. تدرون ويش ردوا ... قالوا : لا تجين ماعندك عيال !!!
بذمتكم ويش تردين وتقولين ؟!!!.... اذا اختك ومراة اخوك ترد عليك كذا ؟!!!... ايش تقولين ... ؟!!...تقولين لا بارك الله في حفلتكم ؟!!.. والا بارك الله فيها وجعلها عامرة ؟!!!.. تقولين جزاكم الله خير ويجي منكم اكثر ؟!!...والا جزاكم الله خير واعانكم على حفلتكم ؟!!... تقولين انتبهوا على عيالكم لا يحرمكم الله نعمته اللي استكثرتوا بها على الناس ... والا الله يبارك لكم في نعمتكم ويزيدكم من فضله ؟!!.. لا تنسون هذولا اختي وزوجة اخوي؟!!!!
يااااااااارب طال بي العمر وانمدت السنين وتكالب علي الناس ... وصارت الدنيا ضيقة بما رحبت !!... اللهم اني في كربة لا يعلمها الا انت ... وفي هم اشتد وكسر ظهري حمله ... اللهم نفر الناس من حولي خوفا على ابنائهم وكان بي الجرب ... اللهم فرج الكرب ووسع الضيقة .. وارحم هواني على الناس ..
ياجباااااار اجبر كسرررررررررررري
ياجباااااار اجبر كسرررررررررررري
ياجباااااار اجبر كسرررررررررررري
ختاما يا اخواتي مجرد فضفضة ... اعلم انه لا يشعر بي الا من ثقل همه كهمي واثت به الكلمة كما اثرت بي ... الله يفرج الهم الله يفرج الهم الله يفرج على بنات حواء اجمعين من علمناها ام لم نعلمها من قرات وكتبت ومن قرات ودعت ومن قرات وتاثرت ومن قرات ومضت ..... يارب انت الكريم !!
164
11K

يلزم عليك تسجيل الدخول أولًا لكتابة تعليق.

تسجيل دخول

عشق القهوة
عشق القهوة
قولي يارب عوضني والله يسامحهم على قد مابنشوف انصحك خليكي زي سرت ما ادلع ولا امسك ولا لي شغل في اطفال احد بالرغم من اني اخبل في الاطفال بس خلاص مافي داعي اجيب لنفسي الكلام حتى اقرب الناس برضه بشر الا مايغلطو فينا
!! روح الورد !!
!! روح الورد !!
عقبال حفلات نجاح اولادك يا رب
سما الرياض
سما الرياض
ياعمري ياعندي حلم ياااااااااارب في هالساعة ان يرزقنا الحمل السليم قبل رمضان يا ارحم الراحمين

وصدقيني يمكن يكون اللي قالوه اعظم لاجرك وزيادة لصبرك ولان الفرج قرب باذن الله

وصدقيني مايبتلى الا المؤمن وابتلائنا بالذات ابتلى به ابو الانبياء ومن خير البشر ابراهيم عليه السلام

وايضا زكريا ورب العالمين فرجها عليهم وسبب الاستجابة المسارعة في الخيرات وانتي كنتي بتساعدين

يعني احتسبي مساعدتك لهم ورفضهم وكلمتهم اللي صبرتي عليها من الخير اللي ربي بيستجيب لك من اجله

ياااااااااااااااااااارب العالمين ادعي لك من قلب ان يرزقك الذرية حتى تكتفي وكل من قرات ودعت لك بالمثل

وان يرزقنا ربنا وهو خير الرازقين
عندي حلم
عندي حلم
ياعمري ياعندي حلم ياااااااااارب في هالساعة ان يرزقنا الحمل السليم قبل رمضان يا ارحم الراحمين وصدقيني يمكن يكون اللي قالوه اعظم لاجرك وزيادة لصبرك ولان الفرج قرب باذن الله وصدقيني مايبتلى الا المؤمن وابتلائنا بالذات ابتلى به ابو الانبياء ومن خير البشر ابراهيم عليه السلام وايضا زكريا ورب العالمين فرجها عليهم وسبب الاستجابة المسارعة في الخيرات وانتي كنتي بتساعدين يعني احتسبي مساعدتك لهم ورفضهم وكلمتهم اللي صبرتي عليها من الخير اللي ربي بيستجيب لك من اجله ياااااااااااااااااااارب العالمين ادعي لك من قلب ان يرزقك الذرية حتى تكتفي وكل من قرات ودعت لك بالمثل وان يرزقنا ربنا وهو خير الرازقين
ياعمري ياعندي حلم ياااااااااارب في هالساعة ان يرزقنا الحمل السليم قبل رمضان يا ارحم الراحمين ...
والله ياعيني انا زيك احاول اطنش لكن هالمرة ماقدرت لانها جات من اقرب الناس اللي المفروض انهم يوقفوا معاي ويطبطبو على جرحي ويعوضوني عن حرماني ويراعوا مشاعري ؟!!..يعني ايش نعمل نقفل على انفسنا وندفنها بالحيا والا نتحمل الكلام اللي ماله ذوق؟!!!... الله يرزقك ياقلبي بما تتمني ويكشف الضر ويسهلها علينا وعليك ... الله يجبر خاطرك ويرزقك ما تتمنين



ونجاح اولادك يارب ... تسلمين لي


تسلمين ياقلبي على الكلام اللي يثلج الصدر ......... اللهم اميين لكل دعاء دعيتيه علمته ام لم اعلمه ... الله يجبر كسرنا ويرزقنا بذرية صالحة تقر بها اعيننا كلنا في عالم حواء وكل متاخرة بالحمل خارج المنتدى
عندي حلم
عندي حلم
لا يمكنك مشاهدة هذا التعليق لانتهاكه شروط الاستخدام.
والله ياقلبي احبهم ولا اقدر اتحسب عليهم لانهم اهلي .... الله كريم بيعوضنا .... الله يحفظ لك عيالك يارب ويرزقك ماتتمنين ... مشكورة ياقلبي على الدعاء