يا كرهي لطبع بعض البنات اذا جو يطلعون من البيت

مساء الخير بعض البنات ترفع الضغط اذا جت تطلع مع أهلها هي اخر من يطلع واخرهم وهم جالسين منلطعين ينتظرونها وهي على ابرد ما يكون اذكر بنات عمي قبل ما يتزوجون امهم يرتفع ضغطها عجلو عجلو وابوهم يصارخ وهم ابرد ما يكون واستمر ها العاده القبيحه عندهم حتى بعد ما تزوجو وعيلو امهم تشيل هم اذا انعزمت هي وياهم تجلس تقولهم تكفون روحو من بيوتكم لا تجون تلبسون عندنا ترى مالي خلق ابوكم وتعصيبه ومع ذالك يجون يلبسون عند أهلهم امهم تروح متنكده لم العزيمه بسبتهم وانا مازلت اعاني من اختي حتى لو بنروح لم الصيدليه تجلس تلطعنا ساعه والان بعد ما تزوجت صرت اعاني من خوات زوجي اذا جينا نروح لم شي وكان زوجي ب يودينا سواء انا معهم او لا يطلعون أهلهم ساعتين اسمع عمتي صراخها يسمعه الجيران وهي تقول يا الله عجلو ومن ثم زوجي يعصب ويمشي عنهم وما انساها مره بنروح لم استقبال بيودينا اخو زوجي قالت لي عمتي ترى بنحرك الساعه ست تعالي لم بيتنا عشان نروح مع بعض انا طبعا مو مدح بنفسي بس احترم المواعيد وانا عندي طفله وبيت ولويه ومع ذالك رحت لعمتي وانا لابسه عبايتي في نفس الموعد وانلطع انا وياها ساعتين ونص وهي انحرق قلبها ومعصبه على البنات تصارخ في الدرج عشان يستعجلون وهم ابرد ما يكون قسم بالله بغيت اهون اقول مو لازم اروح وارجع لشفتي يعني ها النوعيه من البنات ما تفكرين في امك الي ترفعين ضغطها وتنكدين عليها كل ما جت زياره وتروح وهي متنكده بسبتك