يا كرهي للي يغصبك على شي ثم يتمنن

مساء الخير
عمتي ام زوجي فيها طبع والله العظيم ينرفز وهو الا تغصبك تاكلين عندها ثم تمنن عليك
السبت الي فاتت كنت في بيتي العصريه على الساعه ٦ ونص وطلبت لي وجبه واكلت انا وزوجي وتعرفون الوجبات السريعه تودي إلى تخمه يعني اذا اكلتها خلاص اجلس إلى بكرى مو قادره اكل شي وبعد المغرب ارسلت عمتي واصرت الا اجي وقال لي زوجي روحي وانا ابروح معك قلت بس ترى مانيب متعشيه وقل لأمك لا تجيب شي تراني مو قادره اتنفس من التخمه المهم اخذت معي شوي حلا ورحت على أذان العشاء على اساس ابجلس شوي وارجع ومسكت عمتي قلت تكفين تكفين لا تجيبين شي انا فقط جايه اشوفك وتراني توني متغديه قالت اوكيه ومن يوم جلست وهي متوتره تامر بنتها تطلب مشاوي قلت عمه ترى مو قادره اكل شبعااااااانه واصرت وقالت حنا مشتهين المهم جلست نص ساعه وقمت ابروح لم البت وتحلف والله ما تروحين هذا الطلب وصل قلت عمه ابوي يدك مو قادره بطني خلاص قال زوجي خليك اجلسي عشان امي وصل الطلب وكان قليل وانا جلست مع خوات زوجي وأمه وزوجي مجامله ولا والله ما اكلت الا فقط اتكل بنتي حبتين بطاطس وعمتي مره توترت من اول ما وصل الطلب قالت لزوجي رح حاسب مرسول قال ما معي كاش قالت تصرف يعني توهقو وراحت لبنتها وأخذت منها وقالت لزوجي رح عطه بس تراها دين عليك بنتي مسكينه من وين لها وانا تسلفت منها هذا المبلغ قال يكون خير بس هي مره توترت وتهاوش زوجي قالت كيف يكون خير بتدفع ولا تسكت قسم بالله اني كرهت الجلسه على هذه السفره المهم قال زوجي ابشري بس اسحب ارجع لاختي او أحول لها زوجي من النوع الي ينسى رجعنا للبيت واذكره قال اوكيه بس عندي شغله اخلصها وارجع ومعي الفلوس ورجع الساعه وحده وناسي الا امه تتصل الظهر وتهاوش تقول ترانا معشين زوجتك رجع الفلوس اختك مالها ذنب قام وحول لها قلت له ليش كذا انت حطيتني في موقف بايخ قال والله العظيم اني ناسي بس قهرتني عمتي تصر علي اصرار فضيع اني اكل وانا فيني تخمه وارفض وانا وياها هي تصر وانا أرفض وتجلسني غصب وتشوفني ما حطيت لقمه في فمي فقط ٣ حبات بطاطس عطيتها بنتي ثم تناشب زوجي يعطيهم ثمن الاكل تقول ترانا معشين زوجتك بغيت اكتب لها رساله اقول انا ما طلبت منكم تعشوني والله رافع ضغطي ها الحركه