يا كرهي لهذه الفئه

فعلا والله مدري وش يستفيدون وصارت معي شخصيا كثيرر

ارحم الكره الارضيه مدري كيف صابره تشيل هالاشكال كثير

ذولي أشخاص سلبيين ولو بنلاحظ بنلقاهم كثير حولنا بس الأفضل مانسمع لهم ابد 

مشكلتنا الازليه مثل ما قال الاستاذ عبدالله الهاشمي الله يجزاه خير اننا نبحث عن الكمال في كل شي بالحياه مع اننا بشر يعني طبيعي ان حياتنا ما تكون بيرفكت مثاليه .
انا تغيرت افكاري ومعتقداتي عن الزواج والعلاقات اخر كم سنه واشياء ثانيه كثير
صرت اشوف الوفره والسعه والتنوع
لنفرض اني تزوجت وتطلقت ليش اعتبر هذا الطلاق فشل ونهاية الحياه ؟!
اذا اللي يتزوجون اقارب عيال عم او عيال خال يعني مو بس من نفس الجنسيه ومع ذلك علاقتهم الزوجيه معرضه للطلاق
ويا كثر حالات الطلاق في بلدنا لزواجات من نفس الجنسيه ما اشوف هالجنسيه اعطتهم ضمان وحصانه ضد الطلاق
حتى مسألة اختلاف الاعمار زمان كنت اعترض على البنات اللي يتزوجون شيبان بعدين تغيرت قناعاتي
استوعبت ان الحياه هي طبيعتها كذا متنوعه وكلن ياخذ اللي يناسبه
اهم شي القناعه والسعاده والرضا
ممكن التجربه الفلانيه بهذي المرحله الحاليه سواء زواج او صداقه او تغيير سكن او وظيفه او ... الخ بهذا الشكل والمميزات تكون مناسبه لي وتخدمني وتساهم لي في حياتي وتضيف لي الشيء الكثير ومثلها مثل أي شيء بالحياه ممكن تستمر وممكن يجي لها يوم تنتهي
ليش نتشبث فيها غصب ؟
عموما عيشوا مثل ما تحبون اهم شي ان قراراتكم تكونون واعيين لها ومدركين لايجابياتها وسلبياتها وتتحملون كامل نتائجها بكل شجاعه

انا صراحة اتابعه واتابع زوجته واحب بنتهم جدًا ، احسهم عائلة لطيفة وايجابيه ماشاء الله .. قبل فترة شفت له بوست في الانستقرام ورديت على وحدة علقت قالت: هذي نهاية اللي يتزوج كنديه ، رديت عليها قلت: واذا كنديه ممكن تكون عنده احسن من السعودية .. ماحكيك الهجوم اللي جاني وبنات السعودية احسن منك واشرف منك واطلق منك ، حسسوني اني مو سعودية وانا قصدي بالكلمة مو تقليل ببنات بلدي او اي جنسية ثانيه بس ليش عندهم مفهوم مايعرف يحمل ولا يولد ولا يطبخ ولا يربي ولا ينظف ولا يرتب الا انتوا ؟ ودام هو مقتنع فيها وبجنسيتها واختارها تكون زوجته وشريكة حياته انتي مالك علاقة كفاية تدخل بأمور الناس وخصوصياتهم ، هذا وهم مايشوفون الا سنابات بالثواني لو عايشين معهم ايش كان صار ؟ 🫠💔