يا كروشيهيات تعالوا نعمل ملف لأفكار وفناتق الملابس الشتويه

السلام عليكم ورحمة الله وبركاته

خطرت ببالي هذي الفكره وأنا قاعده أطالع موضوع لحظة عمر الله يحفظها ويحفظ كل عضوات حواء يا رب وينولهم اللي ببالهم

وصراحه بين أبداعاتكم ما نقدر نييب شئ ممكن يوازي هالأبداع والأفكار

عاد قلت يا فراوله تعالي سوي هالموضوع التحفه بما أن الشتاء على الأبواب ولبس الشتاء كله حياكه ومن أروع ما يكون لو حطينا افكارنا مع بعض وفنتقنا :42:

العمل الجماعي تره يولد الأفكار والأبداع ويخلينا نتشجع ننتج
انا وحده بصراحه بدون تشجيع ما أشتغل :22:
وبصراحه بالجامعه عندي ما الحق على افكار البنات باللبس (انا متحجبه لا تحسبون أدور لبس قصير وسفور بالعكس أحب الستر مع الذوق) عاد يبيله شالات وجاكيتات وشنط واكسسوارات :o :32: علشان أصير احلى وحده هههههه :27:

الحين عاد راح أحط أفكار للشالات والصور راح يكون في منها اقتباس من مواضيع العضوات وصور باييبها من مواقع
واللي عندها أفكار زياده لا تبخل عليهنا
نبي نسويه ملف روعه ونتشارك اللي عندها صور وبترونات يليت تحطهم وأن شاء الله نملي خزايننا من الملابس ههههههه :42:

يالله بسم الله نبدي:

شوفوا هذي البلوزه وحدات مربعه اشلون مرتبينها ومصففينها بطريقه حلوه مع الوانها فريحيه



شوفوا هذا شال لحظة عمر ووايد بنات اسألوها عن البترون

أنا لقيت بترون مشابه جدا أذا مو أهو للطيور المهاجره بموضوع الراجيه عن الشالات والكوفيه

بالنسبه لأطرافه حطت كور ملبستهم كروشيه وسلاسل نازله منهم ورود وحلزون وخرز <<<بتذبحني لحظه ههههههههه :hahaha:

نتابع...