يا كسولااات .. لازم نشيل كلمة (كسل) وكلمة (قذارة) من قاموسنا

السلام عليكم
كيفكم بنااااااات :)

تعالوا يا كسولات أحكيكم عن قصتي مع الكسل وكيف قدرت أتغلب عليه وعلى الأوساخ الموجودة في البيت

أول شي بقولكم على موضوع (تحليل الشخصيات بطريقة البوصلة) أتوقع إن معظمكم يعرفه
اللي ما تعرفه تسويله بحث ..منتشر في المنتديات حتى في عالم حواء
هذا التحليل هو اللي غيرني
دحين أقولكم كيف

الشخصيات الموجودة في هذا التحليل شمالي - جنوبي - شرقي - غربي
اللي شمالي ممكن يكون شمالي شرقي أو شمالي غربي
واللي جنوبي يكون جنوبي شرقي أو جنوبي غربي

رح أتكلم عن الشخصيات من الناحية اللي تعنينا في هذا القسم وهي الترتيب والنظافة والنشاط
الشمالي : انسان طموح ونشيط
الجنوبي :انسان كسووول ودائم التأجيل
الشرقي : يحب النظام والترتيب والنظافة ودقيق في هذي الأشياء
الغربي : فوضوي ما يهتم بترتيب اللي حوله ، أبرز الصفات السلبية فيه (القذارة)

أنا شخصيتي جنوبية غربية
يعني كسل + فوضى

وأنا بصراحة بصراحة بصراحة ..
هذي الصفات موجودة فيني بس أنا ما أحبها
أكرهها
هذي صفات سلبية لازم أتخلص منها
وخاصة لما أتذكر كلمة القذارة أقرف بزيادة وأبغى أثبت لنفسي إنه أنا مو كذا
وصرت أشتغل في البيت بهمة أكثر
أنا لازم أكون نشيطة
أنا لازم أكون نظيفة

والحمدلله تغيرت كثيييير عن أول
صح لسى في بقايا من عاداتي السابقة
بس والله تغيرت والحمدلله



يابنات
شدوا الهمة
ما نبغى نظرة الناس لنا إننا كسولين ووسخين
لازم نتغير



أشوفكم على خير