يا ليتني ما عرفت النت

مساء الخير للجميع
ابي اكتب مشكلتي قبل ما يجي ابو الشباب الله يستر
انا كنت ادش منتدى عالم الحياة الزوجيه قبل ما ادش عندكم وكنت اشارك عندهم وانزل مواضيع وكان زوجي يدري اني اتصفح المنتدى ومسجله فيه
المهم بعد فتره دش زوجي على مشاركاتي وقري الردود
وصارت مشاكل بيننا بسبة المنتدى بغت توصل للطلاق بس ربي ستر غير الفضيحه عند الأهل علشان ايش علشان كنت ارد على رجال وربي كانت ردودي عاديه جدا بس صار الي صار
المهم انتهت المشكله واتفقت انا وياه اني مدش اي منتدى مختلط
ادش منتدى نسائي فقط وكتفيت بعالم حواء
المهم مر على السالفه ثلاث شهور او اكثر
وبعدهاا اكتشفت ان زوجي يدش منتدى فيه قسم الحياة الزوجيه وكان يرد على البنات عاد انا تجننت وتهاوشت وياه بسبت السالفه وهو يقول انا رجال ومايعيبني يعني ما فيها شي اذا شاركت ورديت
والله يبنات لي يومين وانا عيوني متورمه من البكا لقدر امنعه من الدخول في المنتدى ولا اقدر امنعه من النت وش اسوي اذا فتحت فمي بكلمه قام يفتحلي سالفة المنتدى الي كنت ادشه
وتهاوشت انا وياه وحرمني اني ادش النت عامة حتا المنتديات النسائيه منعني منع باتا من الدخول او التصفح فيهاا
والمسنجر لي فتره بعد مو راضي اني افتحه يقول ماله داعي وانا وربي ماشيه على طوعه
بس انا يبنات منقهره والله استانس على منتداكم والبنات تعودت عليهم وعلى سواليفهم
مشكلتي هو ما يطلعني ولا اروح لحد غير اهلي
واذا فاتحته بهالموضوع تهااوشنا انا وياه انا اخاف انه يطلقني هاذا متهور ويسويهاا بلحظة غضب وش اسوووووووي ابي امووت من القهر كيف اخليه ما يشارك في المنتدى الي هو داشه
والي قاهرني بعد ومخليني بنجن
في وحده مشرفه وربي يا بنات ما تستحي منزله مواضيع عن الجماع وطريقته والرومنسيه وربي اني وانا حرمه استحي اقراه ما بالكم بصاحبة الموضووع
وانا ابي اموووووووووووووووووووووت حره من القهر
وش اسوووووووي قولولي اذا تكلمت انتهت بهوشه واذا سكت ثقل على صدري مقدر اتحمل
الي ما عندها حل تدعيلي
مالي غيركم اشكيله
وربي خلاص عيوني جفت من البكاااااااا

مشكلته انه شاااعر وانا ما احب الشعر مالي فيه
ينزل في المنتدى شعره ومسوي له ديوان والبنااات طايحااات ردوود لا ومهتمااات لشعرره بعد
وووووش الحل تكفن ساعدووني