يا ماهرات ...مطلوب مشخول سمك (دارين)

حبيبتي اذا تقصدين المشخول اللي تحته الخلطه فوقه العيش طريقته سهله وحلوه باقولج الطريقه والمقادير اول شي تقلين السمك المبهر بالبهارات المشكله من ليمون اسود ودارسين وبزار بحريني وفلفل اسود والكمون وتقلين البطاطس المقطع شرايح بس نص قليه يعني بس يحمر المهم تاخذين الجدر وتحطين فيه البصل المفروم ويكون كميه كبيره وتخلينه يحمر من غير زيت يعني كل شوي رشيه بماي اللين يحمر وبعدين تحطين شوي زيت من الزيت اللي قليتي فيه السمك وتحطين الثوم والزنجبيل والفلفل الاخضر والطماطموالكزبره والشبت والسمك والبطاطس وبهري الخلطه وحطي فيها بهارات صحيحه ومطحونه وشوي صلصه وحطي الرز المسلوق ثلاث ارباع السلق فوق الخلطه وخليه نص ساعه وبس اتمنى هذي اللي قصدتيه

شكرا لك

عزيزتي

طريقتك حلوة باجربها

بس بدون طماط ولا بطاطس لأن الارز المشخول كان بدونه

وكان طبقة أرز ثم السمك ثم أرز
وشكله محطوطة طبقاته عند التقديم مباشرة

شكرا لك

للرفع

تقصدين مطعم دارين اللي بطريق الملك عبدالله؟

اختي اقلي السمك بعد غسله وتتبيله
اسلقي الرز بماء وماجي ابيض وملح نصف سلق وقليل من الزيت
ولومي اسود كسريه وبدون حب حطيه باسفل القدر وخوذي من الرز وحطيه فوق اللومي وطبقة من بصل محموس بزيت قليل من زيت القلي وطبقة سمك وهكذا واخر شيء الرز وفلفل اخضر يعطي ريحه حلوه (السمك كنعد)احسن شيء