صبح وليل @sbh_olyl

محررة ذهبية

يا متزوجات...كيف كنتوا تقضون العيد عند هلكم وكيف صار الحين ف بيت أزواجكم

كل عام وأنتوا بخير بداية بمناسبة العيد المبارك أعاده الله علينا وأحنا بخير في ظل الرحمن...

سؤال حلو جداً...ونبا تفاعلكم فيه...
وخل انا اجاوب الأول====> لقافة...:p
قبل متعودين على اللمة في بيت واحد من عمومتي هلنا كلهم...نتونس نلبس ثياب العيد وطبعاً نكون سهرانين من الفرحة ما نمنا...ونلتم مع بنات عمي ونسير بيت عمومتي وخوالي...بس صدق صدق كان وناسة...الواحد يحس بالعيد...

الحين شاحجي شانطق شاقول...:06: :06:

أنش الصبح طبعاً ابخر زوجي وأجهزه لصلاة العيد وارد أرقد لي الظهر:eek: ...لأن ماحد ايينا ولا انيي حد...في حالنا جداً...

الحين يوم صار عندي عيال أوعيهم الساعة 10 والبسهم واكشخهم أباهم يحسون بفرحة العيد...

وياليت أهلي يعيدون هني جان أسير عندهم على الأقل أحس بعيدهم لكنهم يسيرون عن عمامي في العين...لأنهم كلهم يلتمون هناك...:44:

بس بديت على شوي شوي أحس بالعيد...لما بدوا العيال يكبرون...
لكنه مو شي مثل الأعياد اللي تعودت عليها عند هليه وقرايبي..

يالله الحمدلله عيدي بين عيالي وهم بخير عندي بالدنيا...

والسموحة منكم عورت قلوبكم خخخخخخخخ:icon33:

يالله دوركم

يلزم عليك تسجيل الدخول أولًا لكتابة تعليق.

تسجيل دخول

الواثقة من نفسها • 18 سنة

طيب سيري مع اهلك نامي عندهم قبل بليلة وانبسطي معهم واطلعي معهم
لاتنسين اطفالك بيحسون بالعيد مع اخوالهم وزوجك تهمة سعادتكم
وماراح يرفض
بصراحة العيدعندنا ماشاء الله روعة فرحة من صلاة العيد الى اخر الليل
حتى تبدا المدارس واجتماعتنا وطلعاتنا ماتخلص نحس بالعيد ونعيشة لحظة
بلحظة ومافية فرق قبل الزواج او بعدة

صبح وليل • 18 سنة

أحنا الله يسلمج ساكنين ف بيت العايلة...

زوجي بالفعل ما بيمانع ف روحتي عن أهلي بس مو حلوة عيالي يعيدون بعيد عن هلهم وتراني قاني يوم العيد أعيد معهم ونطلع روحنا انا وزوجي والعيال...لكن بعد شو بعد ما بدأ وخلص العيد...

على العموم المشكلة مو في عيدي...

أبا مشاركاتكم..

قذوقذو • 18 سنة

فعلا موضوع رااااائع ولازم تعرفون شي ان الوحده لمن تتزوج اكيد راح تكون لها دنيا غير اللي عاشتها يوم كانت بنت لانك اذا متزوجه بتكون حياتك زوجك واهله الاولويه بتكون له ولاهله وبعدين يجون اهلك هذا الكلام ذا كنتوا بعيدين عن اهلكم اما اذا كنتوا بنفس دياركم فما راح تحسون بفرق الا بجمعت وكثرت الاهل بالنسبه لي اول يوم العيد يكونون اهل زوجي يجتمعون في العماره ويقعدون للمغرب وبعدها كل واحد يمشي اما ثاني وثالث العيد اروح لاهلي ونجتمع مع بعض واليوم الرابع الالعاب يكون للاطفال وخلص العيد هههههههههههه:26:

Les • 18 سنة

قذوقذو :

فعلا موضوع رااااائع ولازم تعرفون شي ان الوحده لمن تتزوج اكيد راح تكون لها دنيا غير اللي عاشتها يوم كانت بنت لانك اذا متزوجه بتكون حياتك زوجك واهله الاولويه بتكون له ولاهله وبعدين يجون اهلك هذا الكلام ذا كنتوا بعيدين عن اهلكم اما اذا كنتوا بنفس دياركم فما راح تحسون بفرق الا بجمعت وكثرت الاهل بالنسبه لي اول يوم العيد يكونون اهل زوجي يجتمعون في العماره ويقعدون للمغرب وبعدها كل واحد يمشي اما ثاني وثالث العيد اروح لاهلي ونجتمع مع بعض واليوم الرابع الالعاب يكون للاطفال وخلص العيد هههههههههههه:26:

فعلا موضوع رااااائع ولازم تعرفون شي ان الوحده لمن تتزوج اكيد راح تكون لها دنيا غير اللي عاشتها...

جربي اختي تروحي صلاة العيد واخدي اولادك معك ... بجد بتحسي بالعيد والفرحه .. :26:

صبح وليل • 18 سنة

Les :

جربي اختي تروحي صلاة العيد واخدي اولادك معك ... بجد بتحسي بالعيد والفرحه .. :26:

جربي اختي تروحي صلاة العيد واخدي اولادك معك ... بجد بتحسي بالعيد والفرحه .. :26:

اشل عيالي وين:eek:

عيالي خبلوبيه في البيت....وش عاد في المسيد:42: :eek:

على العموم يعطيج ألف عافية على مشاركتج يا ريت بعد جان شاركتينا بتجربتج...