يا متزوجات انقذوني😭😞

مرحباً يا بنات ..

عندي موضوع مضيقني حيل والله أني بكيت كثير من قلب ..
يمكن البعض يشوف موضوعي تافه بس رجا لا احد يتمسخر عليه وردو عليه بعقل
وخبره وليس بتوقعات او بعطف.

انا عمري 22 سنه وتسع أشهر. متزوجة من سنه وثمان شهور وعندي ولد ربي يحفضه عمره اربع شهور.
مشكلتي مع زوجي يبنات انا حساسه جدا اولا.
انا الحمدلله جميله جدا بس زيادة الوزن احس قللت جمالي شوي والحمدلله بديت انزل.
انا انطلبت للزواج كثير جداااا قبل ان اتزوج الحمدلله ودايما اسمع كلمات المدح على اني جميله ومرتبه. واحد الي طلبوني للزواج قبل هو زوجي الان طلبتي خمس مرات وكنت ارفض وما قبلت الا المرة السادة والسبب كان بس انو هو يكبرني بسنتين ف كنت خايفة انو ما يكون عاقل وجاهز للزواج.
المهم بعدين فكرت بالموضوع من خطبو اخر خطبه وأرسلنا ورا وشفنا بعض شوفه شرعيه وتكلمنا شوي واولً ما شافني بان عليه الإعجاب مع اني كنت ثقيله وشوي مغرورة هو بسرعه صار يتكلم عن الزواج وانو يبي بسرعه.
المهم بعد الزواج كنّا نتكلم عن الجمال ف قالي انتي حلوه بس انا قبل بطيشي كشاب كنت أتمنى احلى يعني بس حبيتك لأنك مؤدبه وزينه ومن عايله سمعتها حلوة. قلت له يعني انا مو حلوه بعينك ؟؟ قاتلي بلا حلوه بس انا من شفتك بالشوفه الشرعيه قلت ل اهلي انها حلوه وابيها بس مو هذيك الحلات الي تصورتها من رفضت خمس مرات كنت متصور هيفا او نانسي وترفض لان مغرورة. قلت له بس انا ما رفضت عشان الجمال انا كنت مو مقتنعه بالعمر.
المهم مره يقولي إبيك ما تشوفين نفسك عليه ومره يقول اضحك عليك ابي أقهرك ليش ترفضين.
وانا متضايقه وايد من كلامة وبكيت كثير والله حتى اني فكرت انفصل لين نشوف كثير الي مو مقتنعين بحريمهم لو يخززون بالبنات لو يخونون زوجاتهم واحنا ساكنين في بلد أوروبي كل شي مفتوح وسهل. انا ما ابي اكون مو حلوه بعين زوجي.
وأحب أضيف انو زوجي جميل بس انا اجمل منه وهو بنفسه يقول اني احلى وإني لازم اكون احلى لأَنِّي بنت وانو هو ما يقبل يأخذ وحده اقل جمال منه.
وازيدكم من الشعر بيت انو شخصيه زوجي ما يستحي ومستحيل يجبر نفسه على وحده ما يرغبها وبدليل انو بعد ما رفضته اهله خطبو له بنت خالته من دوله ثانيه وقال لا ابي ارد احاول على نفس البنت الي هي انا واهله قالو له اني رفضت كذا مره ف رضا يخطب بنت خالته وطلب يشوف صورتها ومن شافها رفض لانها متينه وما استحى مع انها بنت خالته وقال والله اذا تجبروني اسوي شي مو زين ما اتزوج او اقول للملاج اني مو قابل الزواج لين حرام اخذها وانا مو مقتنع. وانا من شافني صار يبتسم ويضحك ويتكلم عن الزواج بس برضو يقول افهمي انتي حلوة وعانت مقتنع بس من شفتك قلت تصورت احلى من رفضتي خمس مرات.
  

شنو معنى كلامه ؟ لا تقولوا تافه وسطحيه رجاً. بس معقول انو ما يكون مقتنع فيني وما اكون عاجبته ؟ معقول يكون ضغط على نفسه استحى يقول لا بعد ما ارسلنا ورا من خطبو سادس مَرة ؟ معقوله ما استحى يرفض بنت خالته وانا الغريبه يستحي وياخذني وهو يشوفني مو حلوة ؟ مره متضايقه هاوشته وزعلت منه وقلت لا ما ابيك وغشيتني وتزوجتني وأنت مو مقتنع وانا هلحين ما اصدق فيك وانا مو حلوة بعينك وانت غشيتني وضلمتني وضلمت نفسك. وارد اقول انا الحمدلله على قدر من الجمال من بشره وجسم وشعر وعيون كلشي فيني لو حلو لو عادي ابد ما فيه شي قبيح..

شنو رأيكم شسوي وكيف اتصرف والله مرة متضايقه