يا متزوجات تعالو قولولي اسراركم واعطوني من خبراتكم شوي

السلام عليكم بنات
انا بنت بسيطة عمري 22 سنة تربيت على ثقافة امي واخواتي انه الزواج يعني طبخ وتنظيف وسنع بس
بس زوجي شاب متفتح ومسافر وشايف الدنيا ومتعود على الدلع والجمال اهله غيير عن اهلي دايم يقولي مهما كبرنا وجبنا عيال لا تنشغلي عني ابدا واذا البيبي ما ابغاك تنشغلين فيه عني انا كمان ابغاك تدلعيني وتهتمين فيني
المهم امس رحنا السوق ودخلنا xxx وعيونه مبققة في البايعة وانا نااااااااار بقلبي في السيارة اقوله عاجبتك اعرفك عليها قعد يضحك قالي لا اعوذ بالله بس مناكيرها لفتني وانا احب المناكير والشعر الطويل الناعم وانتي عندك هالاشياء بس يبغالك تشدين حيلك شوي
اتعذرت بالحمل مع اني بصراحة عادي ماني حاسة باي تعب او عرض من الحمل بس القط وجهي قالي اذا تعبانة نجيب وحدة تساعدك باليوم
ومو اول مرة يلمح لي كذا مره قالي حافظي علي ولا تخليني اضيع منك ومره قلي انا احب الجمال والانثى اللي تهتم لاننا كنا طالعين مطعم وانا لابسه بجامتي تحت العبايه ومو حاطة شي على وجهي
xxxxx
وسكت طبعا بعدها قالي ما احب اكرر كلامي واذا ما نفذتي الشي اعتبرك مو مهتمة
ايش اسوي يا بنات دلوني من ايام الملكة وانا احسه مررره يحب نفسه ويحب الدلع واشوفه مسوي فولو ولايك لمقاطع البنات اللي يتدلعون بالانستقرام والفيسبوك ويموووووت xxxx( لا تفهموني غلط وتقلبونها مضاربه )
كنت اقول لنفسي اذا تزوجت بصير مثلهم لكن التطبيق غييييير ما قدرت والله
انا اصحى كل يوم الصباح افطر وانظف واسوي اشغالي ما تصير 11 الليل الا وانا نعسانة وبنام اذا كان دوامه ظهر يرجع 11 اكون خلاص تعبانة يزعل اني بنام طيب انت صاحي الظهر بس انا صاحية الصباح بدري واكيد بنام غير انه اذا كان دوامه ليل مايبغى اشتغل وانظف قدامه يزعل ويشغل البلاي ستيشن ويلعب متى اشتغل يعني انت دوامك مو ثابت
مدري متى البس واحط مكياج واستشور وافتح شعري وانا وراي شغل واكيد بعرق ويسيح وينف متى احط منكير وانا وراي صلاة ومتى نسولف ونتقهوى واصلا هو دوامه كل اسبوع شفت يعني حتى ما اقدر احدد وقت معين لجلستنا او للكشخة اوفف تعبت اقسم بالله
انا جسمي حلو وذا اكثر شي عاجبه وشعري طويل بس مو ناعم وكل يوم مرفوع لانه لازم سيشوار واكيد ماراح استشور كل يوم
وجهي ما احط غير روج وحواجبي اشقرها كل اسبوعين ومرتبه كفايه احس بس ذا الشي ما يرضيه مو عاجبه ايش اسوي يا بنات
وربي ندممممممت اني تزوجت مره تعبانة من حياتي علموني كيف اتغير الله يخليكم وربي انكم تاخذون اجري
معليش كلام ملخبط بس خلاص مدري ايش اكتب وايش اقول من القهر وحرتي