اسمعي حبيبتي ... لازم تحطين في بالك شغلة .. ان جمالك ورشاقتك لنفسك مو لأحد ثاني .. اعتني بنفسك لنفسك .. زوجك الكثير من الحريم تتمنى عند زوجها مثل الصراحة اللي عند زوجك .. يعني صارحك باللي يبيه منك ماهجرك ودور غيرك وانتي محتاره ليه متغير عليك .. جاك وصارحك وهذا شيء حلو وان دل على شيء فهو يدل على حب زوجك لك .. انا استغربت صراحة لما قلتي عندك مشكلة مع المناكير .. عادي يا ماما ياكثر الصيدليات والمحلات مزيل مناكير حطي كل يوم دام زوجك يحبها وقت الصلاة زيليها والله ماتخذ منك 5 دقايق .. شعرك موضوعه جداً بسيط .. اذا استحميتي نشفيه بالإستشوار الهوائي ماياخذ منك وقت بسرعة وانتي واقفة نشفيه ولميه على فوق لحد ماتجهزي نفسك وتلبسين وتكشخين وارجعي فكيه .. سوي تسريحة للميس الظفيرة المعروفة مرره تطلع حلوة او ارفعيه على فوق ونزلي شعر من عند الأذاني وسوي نفخة بسيطة من قدام اليوم الثاني يطلع شعرك ناعم كأنه مستشور على خفيف وهو كله من الهوائي ... لا تاخذين الامور بتعقيد وجدية عشان ماتتعبين .. عادي اكشخي والبسي واطبخي ونظفي واذا حسيتي انك عرقتي استخدمي مناديل تشبز للأطفال وعقمي بها جسمك وغيري لبسك اذا فيه ريحة اكل وتعطري وبس ويصير ما كأنك عرقتي ولا اشتغلتي وبعدين وش هالتنظيف كل يوم والله انظف مره وحده في الاسبوع وخلاص يبقى البيت نظيف اهم شيء الحمام الخاص حقكم كل يوم غسليه وحاولي ماتراكمي المواعين وبس مافيه شغل والله .. الا اذا عندك عيال اكثر من واحد صح اعذرك ... دام زوجك يحب الكشخة والرزه كل شوي خلاص ياقلبي استعيني بالله وابدأي ... ومع الايام راح تتعودين على الكشخة واللبس وتصير عندك عادة ماتفارقك ولا تنسين ان لك اجرها ... وبعدين انتي انثى ياعمري يعني معنى الرقة والجمال .. والله لو تشوفي وحدة من قريباتي مشاءالله تبارك الله عندها ثلاث اولاد وكأنها في الثانوي او المتوسط .. وزوجها يحبها ولا يفارقها دقيقة وحدة مهتمه بنفسها بشكل مبالغ .. اذكرها من يوم هي عند اهلها وهي تحب التجديد والماركات والمكياج والاشياء ذي مشاءالله والى يومك هذا ماتغيرت رغم ان عندها دوام وعيال لكن ما اهملت نفسها مشاءالله ... وبس ربي يوفقك ياقمر ❤ الحياة حلوة وربي بس تحتاج صبر ونصيحة اذا صليتي ادعي في السجود { اللهم اني اعوذ بك من الهم والغم والحزن والكسل وسوء الكبر } 😘

والله ي عمري كل الرجال يبون الوحده دايما كذا كانها عروس عطر مكياج كشخه فرفوشه غامضه ماتكون 24 مسنتره قدامه وتقرق ع راسه وتهتم بستقباله وتلبية حاجاته وماتزيد بالاهتمام ولا بتعلق ونادر اللي يعودون نفسهم على هالاشياء الوحده من تتزوج تحس انها ضايعه شغل بيت كله ع راسها وزيارات عائليه مع اهل زوجها حياه مختلفه تحسين بلخبطه وتتلف اعصابك بس مع السنوات خلاص تتعودين وتعرفين وش يبي وش مايبي وتسيطرين ع الوضع ولازم تهتمين بنفسك علشان نفسك اولا اكشخي بالبيت البسي ملابس خفيفه وكشخه والشعر له حلول وطرق بتنعيم غير الاستشوار ولانجلسين قدامه وجهك زي وجههه بدون ميك اب ههههههههه يعني اشياء خفيفه عودي نفسك هو صعب بس مع التعود خلاص يصير مثل غسل يدك والله اني ماكنت احط بوجهي شي بيت اهلي ودايما ببجامه😅 بس من تزوجت لي 3 سنوات ماقدر اقابله نفس حالتي لازم كاشخخه لدرجة حتى بيت اهلي صرت اكشخ هههههههههه
حتى وانا زعلانه ولا مالي خلق وخصوصا لما نطلع مطعم ولا مكان اكشخ بزياده علشان ادري بيشوف العجب🙂اقلها لما يبصبص يشوف مافيهم زود واللي يسونه اسويه سولفت واجد بس حاسه فيك وبعد ترا زوجك واضح انه عاطفي ويبي الاهتمام ويحب التكشخ وكذا لازم بزياده تهتمين والله يعينك ويجعلك اجمل النساء بعينه ودايما قولي اللهم اني استودعتك زوجي قلبه وفرجه ولسانه وجوارحه فاحفظه لي وادعي ربي يسخره لك

وعليكم السلام ورحمه الله وبركاته
الله يسعدك ويوفقك بحياتك ويتمم حملك
وتولدي بالسلامه بنتي اسمعي كلامه ولا تخربي
حياتك الزواج ماهو تنظيف وكرف ومسؤليه بيت
وتنسى راعي البيت احمدي ربك انه جالس يطلب
منك ولا هو جالس يسوى من وراك اشياء غلط لا
تهملي نفسك وعادك صغيرة املي عينه ولاتخليه
يطالع برا وبالنسبه لشغل البيت قالك يجيب وحده
تشتغل وتمشي انت استغلي الفرصه وتدلعي اما
امرك غريب الرجال يوفر لك كل شي وانت تشوفيه
اناني ومايفكر الا بنفسه ؟؟!! الرجال بينبهك اهتمي فيني
وين الغلط بالموضوع وقبل هذا كله طالبك تهتمي بنفسك
ولبسك وشياكتك اهتمي ليش هالكسل وبعدين ليش مغيره
وقت نومك عن وقته نامي واصحي معاه حريم كثير جدولهم
مع ازواجهم وبيصلوا وبيقوموا بواجباتهم الزوجيه وكرف
البيت وكل شي تغيري واملي عيونه عشان لا يشوف برا
بكرا تنشغلي بالنونو وتنسيه هذا اللي باين راح تتعذري
بالنونو وملخبط نومك وكلام كثير اهتمي فيه وفي نفسك
ماهو عيب ولا غلط انه يطلب منك هالشي .. ربي يسعدك
ويوفقك ويهدي سركم ويرزقكم الذريه الطيبه .. آآمين

" الْحَمْدُ لِلَّهِ عَدَدَ مَا خَلَقَ وَالْحَمْدُ لِلَّهِ مِلْءَ مَا خَلَقَ
وَالْحَمْدُ لِلَّهِ عَدَدَ مَا فِي السَّمَاوَاتِ وَمَا فِي الأَرْضِ
وَالْحَمْدُ لِلَّهِ عَدَدَ مَا أَحْصَى كِتَابُهُ وَالْحَمْدُ لِلَّهِ مِلْءَ مَا أَحْصَى كِتَابُهُ
وَالْحَمْدُ لِلَّهِ عَدَدَ كُلِّ شَيْءٍ وَالْحَمْدُ لِلَّهِ مِلْءَ كُلِّ شَيْءٍ وَتُسَبِّحُ اللَّهَ مِثْلَهُنَّ "

سالفة البيحاما بس تجللللللط

والله يااختي غلطانه اولا لسه مافي اطفال ليش كل هالشغل طوال اليوم مو معقول كارفه نفسك بزياده ولا تريحي ونهايه اليوم تعبانه وتنامي ولا تسهري مع زوجك ولا عندك وقت لنفسك ولا شي ولسه مافي اطفال !!!الرجال بالبدايه ممكن يجامل بس بيجي وقت بيزهق ؟طيب اذا جاك البيبي ايش بتعملي؟؟ وقدام بتكبر عيلتك
ماينفع هالجدول اللي ماشيه عليه ابدا وزوجك ماقصر حتى الخدامه عرضها عليك وواضح مايهمه هالكرف كله ومو معناه لاتنظفي بيتك لا ابدا بس انتي من موضوعك واضح انك بزياده يعني
لازم تتغيري والحمدالله زوجك واضح وهذا شي ممتاز ترا غيره يتغيرو عل زوجاتهم وبدون مقدمات ومن غير مايوضح لها الاسباب اما انتي قلتي انه عده مرااات قايلك وبعدين لو انشغلتي قدام بالبيبي واعتذرتي له انك منشغله فيه بيقولك اساسا من قبل مايجي وانت نفسك ماتغيرتي فماينفع كذا لمصلحتك والله
الرجال واضح يبي وحده تدلعه ويشوف الاناقه واللبس وبالعكس شي حلو حتى لنفسك
وكمان هذا زمن اول اللي الرجال يبي طبخ وسنع وبس الحين رجال غيييير مافي مقارنه حتى اللي ماقد سافر ولا شاف يبي يشوف انثى ودلع ولبس قدامه مو شرط 24 ساعه لا ابدا بس لابد يشوف الرجال زوجته ولبسها ودلعها وتهتم بنفسها اما طوال اليوم بس شغل وتنظيف ولسه مافي اطفال يحوسون ويخربون لااااا والله انتبهي
وموضوع انه تطلعي بالبجامه لا يااختي البجامه انسيها لسه بدايه زواجك وتطلعي معه بالبجامه لا غلط حتى بالبيت لاتلبسيها البسي بالبيت لبس حلو فساتين قصيره شورتات ليقنز برمودا حتى وقت الشغل في البسه قطنيه وعمليه غير البجامات مره لاتلبسي بجامات خليه يشوف وينبسط وتملا عينه
والله يارب يسخركم لبعض ويوفقكم وييسر اموركم