يا متزوجات ممكن تساعدوا امي

السلام عليكم اخواتي
في موضوع مسبب مشكلة بين امي و ابوية
ابويه نفسو انو امي تلبس لو ملابس قصيرة و مكشوفة مو عاجبو انها دايما لابسة طويل و ساتر... يقولها انتي ماشاء الله مو مقصرة عليا شي بس مشكلتك اللبس
فاتحتني امي قبل مدة في الموضوع...قلت لها امي انتي تعتبري مقصرة في حقو و ملزومة تسمعي كلامو
قالت لي انا ما عندي مشكلة بس كيف البس قصير و مكشوف و اخوانك في البيت
اخواني من غير المتزوجين ماشاء الله اكبر واحد عمرو 27 و اصغر واحد 10سنوات
ابويه قبل هذي المرة كلمها في الموضوع و سمعو واحد من اخواني المتزوجين و راح قال لامي
انا ما الوم ابويه ترى من حقو يشوف هذا اللبس عليكي مثل اي واحد متزوج...و اذا على اخواني انا مستعد ابني لهم غرفة على السطح يناموا فيها...امي قالت لا صعبة اولادي يخرجوا بعيد عني... و اكيد بيسألوا ليش
اللي عندها اولاد كبار مثل حالة امي كيف تصرفت
و لو عندكم حلول يا ريت تقولوها تكونوا فرجتو عن امي كربة