نسيت أقول لج : بالنسبة لفكرة البيت والشبابيك واااااايد حلوة وأنا أقترح عليج عند كل شباك تخلين الشباك يفتح ويغلق الطفل الغايب شباكه مغلق وخليه البنات في بيت والأولاد في بيت .
فكرة ثانية تسوين ورود مثلا عباد الشمس أصفر وفي وسط الوردة تحطين صورة الطفل وتحطينهم في مزهرية كبيرة والأطفال الغايبن صورهم تكون في علبة قريبة من المزهرية عليها ورود عباد الشمس ..
في فكرة عربات القطار .. فكرة الباص والركاب ... فكرة السما والنجوم .. فكرة شاشة الكمبيوتر .. فكرة أوراق الشجر..

رووووووعة افكارك تسلمين حياتي

وبالنسبة لكلامك شي حلو انك تتتفاعلين مع المدرسات بس للاسف الشي هذا مو موجود عندنا بالذات بالمنطقة اللي انا تابعة لها ......واللة لو يدرون ان عندي مثلا رقم موبايل الموجة راح يسووونها المدرسات فضيحة ما تتصورين احنا توجية منطقتنا حيل صارم بالفعل الوحدة تزهق منة .



ومنو يقول الموجة لازم تكون كبيرة بالسن بالعكس موجهتنا صغيرة وما شاء اللة تعتني بنفسها عدل:26:





والحين تروحين وترجعين بالسلامة......
ولنا عودةةةةةةةةةةة:24: :24:

مشكورة عزيزتي على الرد الطيب .. العلاقات الانسانية مطلوبة حتى في العمل .. ما لازم نحطي حواجز الخوف بين المعلمة والموجهة .. ما خبرتيني ... شو تبين بعد أفكار ثانية أنا مستعدة

انا صراحه مدرسة روضه وكان ودي :06: ارتب صفي على كيفي بس عندنا قانون في الروضه الصفوف موحده..
عشان جذيه يوم شفت موضوعج قلت ليش ما اعطيج هذا الموقع الى فيه وايد اشياء ممكن تشترينها من عندهم وترتبين بها صفج ...وان شاء الله يعجبج:27:
انا صراحه اخذ من عندهم بعض الوسائل التعليمه للصف برفقلج بعض الصور من الاشياء الى اشتريتها وصراحه وايد مفيده..
في البدايه شوفي الاشياء وبعدين رتبي افكارج..اوكيه
هذا هو الموقعwww.lakeshorelearning.com
هذي البطاقه مثلا عشان الطفل المساعد عندج في الفصل


اما هذي عشان الادراج لكل طفل اسمه وصورته وطبعا تمسحين الاسم بعدين وتسجلين غيره


اما لوحة الحضور والغياب فلا تتعبين نفسج اشتريها جاهزه وفكي حالج


واحلي شي بكملج الحين:27:

عشان ما تتعبين في الرحلات مع الاطفال الحلوين انصحج تاخذين هذا لهم من تجربه صراحه
استخدمته وصرت اسير وايي على كيفج ما اتعب معاهم..:21:


وهذي بعد تساعدج على تعليمهم الارقام بسرعه بدال ما تنقطيلهم على الورق مجربه ومختوم عليها بعد بانها اوكيه.



وان شاء الله يوم بتتصفحين الموقع بتلقين بعد فيه افكار وافكار وان شاء الله تعجبج..

اختك انجلينا