والله أنا أعاني من نفس المشكله قلبنا الوجه وغيرنا الملامح وزعلنا وضربنا دون فايده وكليوم تزيد لي كلمه من الروضه
وإذا حست أني أنتبهت لها تقوم تصرف الكلمه بطريقتها الخاصه عشان مأضربه أو أهاوشها عجزت معها
ياليت أقدر أحل المسأله

أختي أم سارونا اتفق معك ان الضرب قد يأتي بنتائج عكسية وقد يحطم شخصية الطفل .

شوفوا بنات ..

انا وجهة نظري كل ام وكل طفل يختلف عن الثاني وعلى حسب تربية الطفل برضوا ..

يعني في طفل تعود لما تقوليله عيب خلاص يتأدب ..

وبعضم من نظرة عين خلاص يجمد ويتوب ..

وفي طفل لالالازم تصارخي عليه وتقومي الدنيا وتقعديها وتسوي زلزال في بيتكم عشان يتأدب ..

وفي بعضهم بالضرب وبالعين الحمرا بس هذا الاسلوب غلط ولاتفتكروني اني ماضرب بنتي لااحيانا اذا عصبتني وطلعتني عن طوري اضربها شوي مو واجد لا احيانا واجد ..هههههه فزورة ..

الزبدة كل ام تعرف تتصرف مع طفلها ..

بس في نقطة مهمة وهي لالالازم يعرف الطفل ان له حدود يوقف عندها ومايتعدها ..

وهذا الشي لالالازم يجي وهو صغير يعني من سنة خلاص لازم يعرف ويتعلم الصح والغلط ..

لان اا كبر الطفل وكل مايسوي غلط نقول لا بعده صغير ماايفهم ..

هذا الغلط بعينه وخاصة اختلاف وجهة نظر الام والاب مع اولادهم واحد يقول الي سواه صح والثاني يقول غلط ..

والطفل بيستغل الوضع اشد استغلال ..

واله عندي كلام كثير بس كثرة هدره سامحوني ..

جزاكم الله الخير الجزيل يا الغاليات..على المشاركة والتفاعل..

والله ما ادري شقول..بس أنا لاقيه صعوبة حيل في التحكم في تصرفاته..وفي لسانه..

عمره الحين سنة و8 شهور..لكن لسانه..اللهم يا كافي..ما يصدق خبر يسمع كلمه من هنا ولا هناك..يقعد يكررها

أحيانا حتى وهو نايم!!!!...

والله أنا اتفق معاج يا أم سارونا..الأطفال مو نفس الشيء..لكن أتوقع إنه البنت أرحم شوي في التربية..

البنت..رقيقة ..حساسة..إذا هددتيها أو صحتي عليها تخاف..وغالبا تحاكي تصرفات أمها..

هذا الولد اعامله باللين..يا الحبيب..يا الطيب..بالشدة..بالصراخ..ماكو فايدة..الله يهديه..

وشدتني نقطة بصراحة..ذكرتها أختي أم سارونا..واللي اهي إن الطفل لازم يعرف حدوده!

بصراحة أنا أخاف إنه يستمر على هذه الطباع إذا كبر..

كيف يتعود على احترامي والناس في هذا السن..خاصة وإنه ما يبالي بالتهديد..ونسبة تجاوبه في التعامل معاه باللين

قليلة..

الله يعينا..ويرزق كل وحده فيكم ابناء بارين مطيعين..قرة أعين لكم في الدنيا والآخرة..اللهم آمين..

خخخخخخخخ اذا كل ماقال الينا كلمه مو زينه وقلنا اليه اذا ماقلت الينا هالكلام بنعطيك هديه لا بالله راحت علينا كل يوم بيجمع كلام مو زين علشان الهديه خخخخخخخخ واحسن شي اننا نبين اننا زعلانين منه وانه غلطان علشان يحس ان امه وهي اغلى شي عنده لان الطفل يخاف على امه وانها تفارقه واذا زعلت منه اكيد بالنسبه اليه شي مو زين