شكرا لكل اللي ردو
وشكرا لضحكة سرور لرفعها الموضوع وعالدعوة
انا شكيت قلت يمكن حتى انا بس ما اتأثرت بالبقرة ولا بالرقية وامس الشيخ قري عليا برضو الحمدلله مافي شي
علموني دحين ايش اسوي الشيخ ماقالي شي ولا دخل في التفاصيل
السدر لازم سبعة ورقات لانه اللي عندي اخدته في كيس
والموية لازم شيخ يقرأ عليها ولا عاد ي انا كمان اقدر اقرا
وزيت الزيتون المقري عليه لودهنته قبل النوم راح ينزعج الطفل ويصحي كل شوية من المس ولا لاّ
وبرضو ما اعرف اشغل رقية العين والمس ولا سورة البقرة
ما اعرف ايش اسوي كل وحدة تقول كلام مختلف
ابغى اعرف البقرة فقط
ولا رقية كمان سماع
واكيد اذكار الصباح والمسا
وفي حاجة غريبة يقولو الممسوس لما تجيه الحالة مايدري عن نفسه
طيب ولدي لما يسوي حركات وكدا يقول ماما مو انا الشرير انتي تعرفي انو الشرير هوا اللي بيخليني اسوي هبالة

انا ماعندي علم بس الاكيد داومي ع سورة البقره 
والرقية ع طول وفي أليل لاتخليه ينام الى سورة البقره شغاله

ارقيهم بنفسك احسن شوفي النت جمعي الرقى واحفظيها واطبعيها او جيبي كتيب ارقي نفسك واهلك
اول شي دهني جسمهم بزيت زيتون مقري عليه قبل النوم من راسهم الين رجلهم وبعدين ارقيهم
خلي البقره شغاله طول وقت نومهم
حصنيهم بعد العصر وبعد الفجروامسحي على جسمهم ثلاث مرات
غسليهم بالسدر قبل المغرب بس نقعيهم ربع ساعه او نص ساعه وصبي عليهم من راسهم لكامل الجسم خلالها
ادا قدرتي ياكلو عسل مع حبه سوداء مره او مرتين باليوم
مويتهم خليها مقري عليها
واهم شي لاتخاافي ترى خوفك يقوي العارض عندهم لان عرف نقطه ضعفك
مهما شفتي حركات او كلام طنشي وكملي لان ممكن يكون العارض يتكلم على لسانه عشان يوترك
انا ابني مايتكلم بس نظراته تصير حااده ولما اركز بعينه اليسار يشيل نظره عني على طول
وادا حاسه انك ممكن تتوهي ادخلي على منتدى عبدالله الخليفه وافتحي ملف اون شاء الله يتابع معاك معالج يوجهك
انا تابعت معاهم فترة لابني بس ماكملت حتقولي ليش حقولك انا نفسي ماعرف ليش بس طبعا ماوقف لو ابسط شي ادهنه بزيت وافتح الرقيه له وقت النوم
وادا قدرتي تقري البقره انفثي عليهم بعد كم ايات
ولاتنسي الصدقه والدعااااء والصبر لان هذا ابتلاء والحمدلله على كل حال
ربنا يشفيهم جميعا

حممتهم بالسدر
وشغلت سورة البقرة كاملة
واذكار المسا والصباح
ورقية للمس والعين وآيات الحفظ والسكينة والنطق للشيخ ابو آية لفرط الحركة والتوحد
ودهنتهم بزيت زيتون مقري عليه
وموية مقري عليها
مع كل دي الحاجات اعراض
حتى اذكار المسا يتعبو عليها
السدر ما لقيت ردة فعل قولتلهم شامبو

خوف الحمدلله ما اخاف لما تجيه الحالة احضنو بقوة وامسكه بقوة
بس الخوف في الليل وقت النوم