يا مشكلة عندي رب كبير ..

بسم الله الرحمن الرحيم
السلام عليكم .. حبيت اول مشاركاتي تكون مرحة وليست مشكلة ولكن تجري الرياح بما لا تشتهي السفن ..
مشكلتي عبارة عن تراكم سلسلة من المشاكل كنت انتظر الزمن يحلها ويتكفل بشفاء جروحها .. ولكن اصبحت انسانة محطمة جدا اعاني من الغضب الشديد تجاه اقرب الناس مني ..
والدي يشرب الخمر اتذكر لما كان عمري 8 سنوات اسأله بابا شنو تشرب ؟ يقولي عصير هذا الموقف يتكرر في ذهني كل يوم و انا الحين عمري 20 سنة ابوي انسان اناني يسب ويضرب امي قدامنا ولكن بعد فترة تسامحة وانا واخواني كنا صغار ما نفهم لكن الحين صرت حتى امي احس بغضب ناحيتها لانها عودتنا على السكوت والتستر على افعال ابوي صرت اكرهه واكره حياتي لوجوده فيها ... ابوي لا يعيلنا ماديا ولا معنويا ولا بأي طريقة ... اخر مواقفه الانسانية معنا لما والدتي سافرت لاداء العمرة جاب وحدة(من بلاد شرق اسيا) في البيت عشان يمارس معها الزني هالموقف مستحيل اسامحه عليه لو اموت .. كان يترجاني انا واخوي الصغير 16 سنة عشان يدخلها البيت اتصوروا بعد هذا امي تسامحه وتجبرنا نسامحه !!! كيف اسامح انسان ما يخاف علي وعلى سمعتي وكرامتي ؟ كيف اسمع نصايح من شخص ما يخاف الله ؟ واخوي الكبير طبعا يتستر على كل حركات ابوي الدنيئة وامي عبارة عن سكوت وتسامح !!! صارت حياتي مشتته اكره كل الرجال اذا مثلي الاعلى هذا نوعه ! وغير اني حاولت اغير هالنظرة وحبيت شخص وايد بس اثيت لي انه احقر ! احاول انسى واسامح بس كل يوم تطلع لي مشكلة .. صارت حياتي محطمة صرت انسانة عصبية اصارخ لاي سبب حتى على امي اكره سكوتها .. اخوي يقول لامي كذب عني وهيا تصدق اقسم بالله العظيم اني اكبر غلط سويته في حياتي اني حبيت وكانو معظم اهلي عارفين من ضمنهم امي بس اي كلمه مب زينه تصدق فيني .. صار لي شهر حياتي معتفسة سويت حادث بس ما مت (كنت اتمنى اموت) وحبيبي تركني وامي تقولي لانه ابوي ماراضي عني .. سبحان الله احتاج رضى زاني وشارب للخمر عشان تتيسر حياتي ...