حبيبتي مروه هدي أعصابج ولا تكدرين روحج


انا على فكرة ما هاجمتج وهذا في الاخير شي راجع لج انتي فقط ولا أحد غيرك واناما أحب الناس اللي تحس انها أحسن من الناس لانه الله اعلم من بيموت فينا على الهدى واليقين


حبيبتي انا عندي صديقات كثيرات مو لابسات حجاب ولا حتى طرحه واحترمهم جدا وحتى عندي صديقات مسيحيات بحكم دراستي واحتكاكي معهم بس ما عمري حسست اي وحده انها اقل مني طاعة لله


ودائما اطلب لي ولهم الهدايه والثبات

الله يهدينا جميعا


حبيتي لست مجبرة على الرد علي وأقفلي الموضوع مادام ضايقك بهذا الشكل وما تاخديش في بالك مش انتو بتقولو كده:27:

والبنات قصدهم خير بس يمكن اسلوبهم ما عجبكيش بس يشفع لهم شي واحد انهم من وجهة نظرهم يريدون صالحك



ما تزعليج حبيبتي



اختك مغربية

مغربية


اهلا بيكى مرة تانية وانا مش متكدرة ولا حاجة

انا فاهمة اختلاف وجهات النظر دى خصوصا بين الدول العربية

ال ضايقنى بس انهم كلمهم معايا كان شديد وكلة نصح وتعليم اية هو الحجاب الشرعى وكانى مش عارفة

او ناقصة هداية

واديكى شايفة الموضوع بقى واخد 3 صفحات وكل دعاوى ونصح ليا بالثبات والتقوى و و و و و

الموضوع كبر كدة لية مش عارفة

مع انى كنت موجة كلامى للمصريات بس هلشان عارفة ان غيرهم مش هيفمنى

ودة مش تقليل لباقى الاخوات بس لان احنا عندنا متعودين على شكل معين للحجاب يمكن يكون مش متشدد للدرجة ال اتكلموة بيها دى

بس محتشم ومخرجش برة تعاليم الحجاب

ومش مستنية حد يحكم على حجابى غير ربنا سبحانة وتعالى

وانا زيك تمام اعرف اصدقاء كتير مش محجبات ومحترمات ولى انتيمات مسيحات كمان وعمر ما حسست حد انتوة اية واحنا اية

انا عايزة اقولك ان ليا 2 اصحابى مسلمات مكنوش محجبات ولبسوة الحجاب لما عاجبهم حجابى وشياكتة ومسايرتة للعصر ال احنا فية بشكل محترم

الواحد لازم يختار ال بيمشى معاة من الموضة ومش كل حاجة تنفعلة

وانا مش بقصد ان الحجاب موضة انا بتكلم على الاشكال الجديدة ال ظهرت واضافت لجمال الحجاب وموضة اللبس كمان

وانا حاسة انى مبسوطة انهم اتحجبوة بعد ما عجبهم حجابى ولا تعتقدوة ان انا وهما كدة غلط؟؟؟؟!!!

لا طبعا الدعوة للحجاب بتكون احسن لو كانت بطريقة خفيفة او بشكل حجابك الانيق تكون قدوة لغيرك


محدش بيحب يسمع كلام شديد او قاسى الدين يسر وليس عسر


ودى تجربة انا مريت بيها بنفسى لانى مكنتش محجبة ولابست الحجاب من سنتين بس الحمد للة ربنا هدانى ومن يومها وانا بعشقة وبحب شكلى بية وحاسة انى احلى الحمد للة

خصوصا ان نوعية شغلى مش بتحبذ المحجبات لالانا بنتعامل مع جنسيات اجنبية وكتير بيرفضوة التعامل مع محجبة نتيجة الفهم الخاطى لفكرة الحجاب او الاسلام عموما

وكانت النتيجة ان شركة من ال كنت بشتغل معاهم بطلوة يطلبونى فى شغل يعنى بالذوق كدة استغنوة عنى

وقعدت سنة كاملة فى البيت من غير شغل

لحد ما واحدة صاحبتى قدرت تتوسطلى وجابتنى فى الشركة ال بتشغل فيها وللعلم صاحبتى دى مسيحة

وكنت بشوف بعينى لما كانت كذا مرة مع فوج سياحى وبيعرفوة انها مسحية كانوة بيستغربوة ويقولوها

انتى عايشة فى مصر ازاى براحتك كدة؟؟مش المسلمين بيضايقكوة؟؟احنا بنسمع كدة فى بلادنا ان المسحين مضطهادات

وكنت بشوفها بترد وتقول ان طول عمرهم عايشين بسلام هنا ومحدش بيضايقهم ابدا وكلنا اخوة فى اللة

وكانت بتشاور عليا وتقول ودى اعز صداقاتى وهى مسلمة


يا جماعة انا مش علامة فى الدين ومعلوماتى على قدى بس اكيد ال اعرفة اننا محتاجين نهدى اسلوبنا شوية والدعوة لاى شى تكون بطريقة حلوة وهادية

اسفة انى طولت ودخلت بموضوع تانى بس كل ما ادخل اكتب هنا بسيب نفسى للكتابة

شكرا ليكى يا مغربية

باى يا قمر



ربنا يهدى الناس كلها

وانا مش برد عليكى اجبار ولا حاجة انا بحترم كل ال بيكتبلى ولازم ارد علية

وانا مخدتش فى بالى فعلا زى ما انتى قولتى:26:

ايه ياميرو عاوزة طريقه للفات الحجاب ده طلب بردة حد يطلبه
قولي عاوزة رسمه للعيون عاوزة بخور يجنن هتمشي معاكي الحكايه احسن ومش هتلاقي حد يعتبك
عاوزة طريق اللفات اللي عندك وبسرعه لو سمحتي :24: :27:
ارجو مراجعه الخاص
الله يوفقك

ارجوو من المشرفات اقفال الموضوع لان في عضوات بدأو يغلطو .....