كوبونات الراقية تسجيل الدخول

بطلة بصمتي

يا مطلقه

الأسرة والمجتمع •


السلام عليكم ورحمة الله وبركاته

أختي الفاضله (----لقه)

انتي مطلقه ومطلقه ومطلقه وبشده :booo: :laughing:
نعم انتي مطلقه ... والناس تتكلم فيك .. وفي ناس يقولون انتي السبب
وانتي مطلقه يامطلقه معليش ،،


في احد مستغل انك مطلقه ويعايرك ؟
الناس تتكلم فيك ومن وراك ؟
في احد يتكلم عليك ويحط اللوم عليك ويقول انتي السبب في كل شي ؟
انتي كنتي غلطانه في شيء لاسمح الله ؟
انتي متضايقه من الطلاق ؟
انتي متضايقه أني أقول لك (مطلقة)!

خلاص طولي بالك بس اقري كلامي لآخر إذا سمحتي ،

شوفي يامطلقه قصدي يا أختي ، لكن لحظه لحظه انتي مطلقه صحيح ليه تزعلين من هالكلمه ؟؟
ماراح أتنازل يامطلقه وبقولك مطلقه ، احسك عصبتي مني بس إذا زعلتي انتي غلطانه ، وإذا ما قريتي الموضوع للنهايه هم انتي غلطانه وخسرانه بعد ،
ياحبيبتي في كثيييير وكثيييير وكثيييير من الأغبياء ، الي يستفزونك ويقولون لك انتي مطلقه ويامطلقه و... الخ
عارفه يذكروني بأيش ..؟ بس حلفت عليكم ماتفهمون غلط هي قصه للعبره فقط

يذكروني بقصه كان فيها رجل عنده ربي يعزكم ( حمار ) كان الحمار عنيد
ما يمشي إلا بمزاجه حتى كان ماينفع معه إلا الضرب الشديد ولا مايتحرك
والرجل يبغى يمشيه بعد ما عجز منه ... الرجال جلس يقول للحمار ... هيييييه انت ياحماار يابهيمه
تحرك :laughing:
يعني الرجال مسوي فيها شتمه الحين هههههه
هو فعلا حمار وبهيمه أعزكم الله والله جلس الرجال يسبه وهو المسكين مايدري وش السالفه ، لو كان يفهم كان نطح الرجال ..
بس انتي انسانه ناضجه عاقل ذكيه عندك ضمير ومبدأ ،،
لما وحده تجي ولا واحد يقولون لك انتي مطلقه ولا يامطلقه أبد أبد أبد لا تزعلين ولا تأذين نفسك عشان كلمه توجعين قلبك، وتخلين قلبك ارشيف ، انتي كفايه الي جاك من زوجك ، تلاقينه الحين يدفع ثمن الي سواه فيك بس ثقي تماماً ان راح تجيك علومه ، سواء طال الزمن ولا قصر ، والي يقولك انتي مطلقه مافي احد ضامن نفسه ،
إذا قالتها لك وحده مو متزوجه في سن زواج : راح يجيها يوم وتقول المطلقه الي كنت احاول اعايرها على الاقل جربت الزواج ، احتمال أنها ماتتزوج أو أنها تتزوج وتطلق ، وانتي بشوفين بعينك الله بياخذ حقك ، بس اهم شي ما تضرين نفسك .

إذا قالتها لك وحده متزوجه : هذه ترقبي الاخبار الي تسرك ،
الله يأخذ حق كل مظلوم ، وكل من استقوا عليك راح يضعف امامك ...

الطلاق يابنت الناس تراه نعمة ورحمة ودائما الطلاق لصالحك ، مستحيل الطلاق مو لصالحك
ابد . والطلاق يكون في صالح معظم البشر أكثر من الزواج نفسه ، ممكن تفكرون تقولون لا غلط ومدري ايش بس فكرو فيها زين وبكل الحالات ،
في حالات كثيره للطلاق :

* احب شخص وطلبت الطلاق من زوجي عشان اتزوج الي احبه ، ولما طلقني زوجي الشاب الي كنت احبه ماقبل يتزوجني . انا ندمانه ياجماعه ساعدوني. هو الله يعينك حاجه صعبه لكن

(هنا انتي صارت ثلاثة اشياء في صالحك ، الحاجة الأولى انك تعلمتي درس انك ماتثقين في احد غير زوجك ، خليتي زوجك يطلقك احسن من ما يعيش مع زوجه بالاسم وطلقك وفتح لك المجال عشان تتزوجين الي تبين ولا انتي مقيده ولا على ذمته ويخليك مسؤوله عن نفسك ولا تقعين في الحرام ( والعياذ بالله ) واهم شي تركتيه عشان ماتظلمينه، الحاجه الاخيره ان الي ماقبل يتزوجك ( حبيبك) بعد ماتطلقتي كان تزوجك وعيشك بجحيم وتكون حياتكم مليئه بالشكوك والمشاكل ودفعك ثمن الي سويتيه بطليقك الي كان مدللك ،
لاتشتكين لأحد ترا انتي انقذتي نفسك والطلاق مكتوب عليك تتطلقين حتى لو ماكنتي تحبين شخص ثاني ...

* زوجي ظلمني وعذبني وطلقني بدون سبب

( مدري ليه هالعناوين والمواضيع الناس الي بترد عليك المفروض أي احد يقولك الله يكون بعونك ولا متأسف كان يبي له طرد من المنتدى ، احمدي ربك انك تخلصتي منه المفروض يردون عليك طلقك وراح بقلعة وادرين ان شاء الله ) خلي عنوانك يكون باركولي تطلقت ...
وراح تشوفين فيه يوم انه اذا تزوج بعد ماطلقك ، الي سواه فيك ، بتسويه فيه زوجته .. وبتجيك العلوم
اصبري بس .

* انا طلبت الطلاق وطلقني
(أكيد في سبب ، وانتي تتحملين مسؤولية قرارك بس لابد يكون الشي في صالحك )

* يهددني بالطلاق
( ابددددددددددد ولا على بالك والله منتي خسرانه اقسم بجلالة ربي ولا تترجينه لايدوسك
ان قالك هالكلام معناه انه هو الي مايستاهلك من جد ) ولا تخافين ابد والله معك

في النهايه كل وحده مقبله على الطلاق زيي ولا مطلقه أقول لها ربي يعوضها خير
ولاتتأسف على الماضي الي عاشته والصبر الصبرررر من صبر نااااال
والمطلقات صاحبات الخبره في الحياه الزوجيه اكثر من غيرها ولاااابد كل مظلوم ربي
يعوضه ويأخذ حقه ...

اهم شي ارفعي رأسك ويا جبل مايهزك ريح ولااتهتمين ابد وألف من يتمناك

مع تمنياتي لكن بالخير والتوفيق
28
9K

يلزم عليك تسجيل الدخول أولًا لكتابة تعليق.

تسجيل دخول

كبسه قبقب
كبسه قبقب •
جزاكي الله خيرا
بطلة بصمتي
بطلة بصمتي •
ويجزاك حبيبتي تسلمين الغلا
شباصه فرنسيه
شباصه فرنسيه •
صراحه ماحبيت الموضوع
بطلة بصمتي
بطلة بصمتي •
شباصه فرنسيه شباصه فرنسيه :
صراحه ماحبيت الموضوع
صراحه ماحبيت الموضوع
شباصه فرنسيه تسلمين على مرورك وتعقيبك
رأيك وبراحتك ..
اما انا طرحت الموضوع لأني مقبله على الطلاق حابه افضفض خخخ
و بهدف ان المطلقه انسانه حالها حال البشر
وانها تكون واثقه من نفسها وترفع راسها وماتحزن على حياتها
وهذا شي ماضي والطلاق في حقها عمره ماكان
له ضرر بالعكس هو نعمه ويصير منه حكمه من رب العالمين
اشكرك مره ثانيه على مرورك:wink2: 
استغفاري سر سعادتي
استغفاري سر سعادتي •
ياختي انا مطلقه مرتين
الاول كنت احبه واموت فيه وهو اللي طلقني بدون سبب بعد ماظلمني ودعيت الله عليه وتزوج بعد ماطلقني والحين طلقها
أما الثاني ابد ماحبيته ولا ارتحت معه لانه مايقدر الحياة الزوجيه وبخيل فطلبت الطلاق
والحين الحمدلله عائشه عند اهلي معززه مكرمه ومرتاحه كذا والله كرهت الزواج