اللة يجزاكم الف خير كل وحدة فيكم كلامها صحيح 100%
أتمنى الفائدة تعم على الجميع:26:
أم*فيصل*
•
الصفحة الأخيرة
شحالكم يامعلمات ويا طالبات....
شحالج يام فيصل؟؟؟؟
معاكم متدربة من أول سنة في تخصص تعليم الانجليزية للأطفال....
يعني من أول فصل ونحن في مدرسة نتدرب تدريس وصارلي 4 فصول وانا في التدريب وبقالي 4 ... (((ادعولي اتممهم بالنجاح)))....... يعني قابلت بنات وأولاد صغاار و كثاااار....
المهم اني أكثر من كنت أشوفهم الأولاد اللي درستهم وتدربت معاهم.... ولي معهم مواقف....
فيه واحد شفته في عرس بنت اختي.... وأول ماشفته شهقت.... وخفت ... وماعرفت وين أودي بعمري...
الصراحة كان شكلي ولبسي مايساعدون انه يشوفني.... مع اني خلصت تدريب في مدرسة الاولاد الابتدائية....
يعني مابرجع عشان اسمع تعليقاتهم علي.... بس ماحبيت أظهر جدامه وأسلم عليه.... :35:
من بعدها شفت ولد ثاني في السنتر اللي قربنا... وكنت رافعه الغشوة أشيك على الأشياء اللي أباهم... مر ولد صغير -من طلابي- جدامي... أنا انتبهتله.... وهو بعد....بس هو ماحب يحرجني أو يحرج نفسه فكمل طريقة.... بس أنا وقفت وقلت وراني ماسلم عليه... جان أوقفه وسلمت عليه وسألته عن الأولاد في المدرسة وكل اللي أتذكر أسمائهم.. وشو نتايجهم في المدرسة..... كان هو فرحااااااااااااااااااااااان وبيموت من الفرح لما يكلمني :42: .... وأنا استاااااانست من الخاطر لما شفته فرحان.... حتى كنت بشتريله شي وبحطه في إيده... بس قلت لا عاد موب لهادرجة انا فرحانة اني سلمت عليه...!!!!! خخخخخخخ
وشفت اثنين من الطلاب في عرس صديقتي ((الله يباركلها فيه فدييييتها))))).... وقفت واحد منهم ..... بنفسي... وقعدت أتأمل في وجهه.... وقلتله تعال انا اعرفك... اكيد اعرفك..... وهو من الصدمة حط ايده على راسه وقال.... انتي ابلة .......:11: صديقة العروس.......!!!!!
ومن بعدها صار يجاهلني كل ماشافني :35: !!!!! الظاهر كنت معذبتنه في المدرسة...!!!!:30:
بس والله جد يا معلمات شعور حلو لما تشوفين حد مدرستنه في اي مكان عام.... وخصوصا اذا تشقق من الفرح اذا سلمتي عليه....:32:
وبالنسبة لمعلماتي -الله يغفرلهم كلهم-.... على طول اروح اسلم عليهم اذا شفت أي وحدة منهم.... احس انه من حقهم علي السلام ....
وسمحيلي الغالي ام فيصل هالاطالة... نسيت نفسي..... بس تهيجت ذكرياتي مع العيال ..... يحلييييلهم....
بنت الشيخة.. :27: