أم دحومي الحلو :

صحيح زيادة على كلام الأخوات جزاهم الله خير اقري هذا الدعاء والله جربته وسبحان الله يتبارك وقتي وتتسهل أموري أن فاطمة عليهما السلام شكت ما تلقى في يدها من الرحى ، فأتت النبي صلى الله عليه وسلم تسأله خادما فلم تجده ، فذكرت ذلك لعائشة ، فلما جاء أخبرته ، قال : فجاءنا وقد أخذنا مضاجعنا ، فذهبت أقوم ، فقال : ( مكانك ) . فجلس بيننا حتى وجدت برد قدميه على صدري ، فقال : ( ألا أدلكما على ما هو خير لكما من خادم ؟ إذا أويتما إلى فراشكما ، أو أخذتما مضاجعكما ، فكبرا ثلاثا وثلاثين ، وسبحا ثلاثا وثلاثين ، واحمدا ثلاثا وثلاثين ، فهذا خير لكما من خادم ) . وعن شعبة عن خالد عن ابن سيرين قال : التسبيح أربع وثلاثون . الراوي: علي بن أبي طالب المحدث: - المصدر: - الصفحة أو الرقم: 6318 خلاصة حكم المحدث: [صحيح]

صحيح زيادة على كلام الأخوات جزاهم الله خير اقري هذا الدعاء والله جربته وسبحان الله يتبارك وقتي...

مكنسة الدار :

الله يبارك فيك انا عن تجربة احس وقتي اذا سبحت وحمدت وكبرت واستغفرت مبارك ونفسيتي تجنن حتى ولدي الكبير كان متعبني الحين ماشاء الله هداا كثير

الله يبارك فيك انا عن تجربة احس وقتي اذا سبحت وحمدت وكبرت واستغفرت مبارك ونفسيتي تجنن حتى ولدي...

&رفال& :

لاتقولي عن نفسك كذا حاولي انك تنظمي وقتك وتنامي الليل مع أطفالك وان كان عليهم نزليلهم افلام كرتون وبرامج تعليميه من النت او اشتريلهم واعطيهم وقت محدد يتفرجو فيه مثلا العصر اما شغل البيت خليه الصباح وقت مايداوم زوجك حتى شكلك ونفسك لاتهمليهم اعطيهم وقت من يومك وكله تقدري عليه وقت مايكون ابو الشباب برة البيت حاولي تخرجي تروحي الحديقه مع اولادك العصرية او حتى الصبحيه او تروحي السوق علشان وقت مايرجع زوجك يلقى اطفالك طاقتهم شبه منتهيه وهذا الشي بيخليهم يناموا بدري ويصحوا بدري عالساعه 8 وان نويتي تخرجي من البيت لاتنسي تتوكلي على الله وتحصني عيالك قبل ماتخرجي وتستودعي بيتك عند الله ولاتنسي الاستغفاااااااااااااااااااااااااااار الا بذكر الله تطمئن القلوب

لاتقولي عن نفسك كذا حاولي انك تنظمي وقتك وتنامي الليل مع أطفالك وان كان عليهم نزليلهم افلام كرتون...

The first Queen :

شوفي ياحلوه اول شي لازم تنظمين نومهم ينامون مع بعض ويقومون مع بعض ولازم الوقت يكون بدري يعني بالكثير 8 ونص وعشان تنظمين وقت نومهم على الساعه 7 ونص كل شي مسكر من تلفزيون والعاب وغيره الاضاءه تكون خافته بعدين تقولين لهم يلبسون بجاماتهم ويفرشون اسنانهم وروحي معهم للغرفه واجلسي سولفي معهم قولي لهم قصص يوم كنتي صغيره والا قصص انبياء وغيره ولازم تكون الغرفه مافيها اضاءه بس يدخلها نور خفيف من برى اكيد ماراح ينتظم نومهم بيوم ليله لكن مع الوقت بيتعودون وانت ادعي ربك ان نومهم ينتظم عشان تتفادين الموضوع هذا اذا جبتي بيبي جديد ابدأي معه من اول العمر يعني على الساعه 7 لا تلعبين معه ولا تنشدين له خليك هاديه والاضاءه خفيفه وسبحان الله مع انه مره بيبي الا بيتعود على نوم الليل ثاني شي بنتك في عمر المدرسه يعني على 6 سنوات لازم تدخل الابتدائي فاحسن شي سجليها في تمهيدي الحين عشان تتعود وتاخذ لغه ومنها تطلع طاقتها في المدرسه وانت تستغلين الوقت اللي تكون في المدرسه والتمهيدي في الغالب مجانا :27: ثالث شي شوفي بيبي سيتر مسلمه وثقه وتصيرين تودين ولدك اللي عمره سنه عندها كم ساعه منها يشوف ناس جديده ويختلط ومنها تتفرغين لنفسك شوي مثلا ولدي ماكمل السنه مع هذا احطه عند بيبي سيتر لما اروح للكليه وكمان في يوم بالاسبوع احطه 3 ساعات زياده مع انه ماعندي شي بس استغل الوقت هذا اذاكر شي مهم والا اسوي في البيت شي مااقدر اسويه لو كان موجود وفي الغالب الهوم كير يكون ارخص من الحضانه ولو كانت مسلمه كمان تراعيك اكثر بالسعر رابع شي خوذي اولادك على الساعه 3 والا اربع يكون لسى نهار ولعبيهم في الحديقه وعادي ان شاء الله مافي خوف انت اقرأي الاذكار وتوكلي على ربك ودايما ادعي يارب حببني لقلوبهم وسخرهم لي "اقصد الامريكان" وان شاء الله يصير تعاملهم معك عسل لانه حرام الاطفال يبغون يلعبون ويتحركون ويطلعون طاقتهم انت خوذيهم نص ساعه على الاقل خليهم يلعبون في الحديقه واذا رجعوا روشيهم عشان يحسون بالراحه واذا ماتحبين والا خايفه تطلعين العبي معهم لانهم بيفرحون وممكن دايما يسمعون كلامك فانت انزلي لمستواهم نص ساعه في اليوم والا ساعه والعبوا واركضوا وهيصوا :hahaha: خامس شي عوديهم يتعاونوا معك في تنظيف البيت يعني نشدي لهم عن النظافه وانت تنظفين اطلبي منهم ينظفون معك يعني يرفعوا العابهم والذي منه وانت كمان رتبي البيت اول باول يعني لا تستعملين شي وتقولي بعدين ارجعه لا على طول رجعيه مكانه والصحون اول ماتستعملي صحن غسليه بكذا ترتاحين وترتاح نفسيتك سادس شي لو مو حابه تروحين للمعهد الملحقيه تغطي مصاريف لو حابه تجبين وحده تدرسك في البيت بس كلميهم شوفي هل هم مخصصين ناس معينه والا انت تختارين فروحي كلمي المعاهد قولي ابغى مدرسه تجي للبيت وتدرسين اعرف بنات كذا تجي للبيت تدرسهم مدرسه صح ماراح تكتسبين اللغه بسرعه بس احسن من ولا شي :27: هذا اللي عندي الحين لو تذكرت شي رجعت لك

شوفي ياحلوه اول شي لازم تنظمين نومهم ينامون مع بعض ويقومون مع بعض ولازم الوقت يكون بدري يعني...