هلا اختي × الطـ ـ ـ زيـنة ـبايع × مشكوره يا الغاليه على اهتمامج
وانتي صادقه هاي حياه بنسبه لصلاة الاستخاره فانا صليت الحمدالله
وهوه يقربلي بس خواته مب وايد اهياهن يعني ما اقدر افاتحن في مواضيع خاصه ان سلمت خير وبركه <<< الويه ينعفس ويتغير .
ولا حتى تلميح اقولج يالله يالله نسلم وتعالي شوفي الويه شو صار.
فديت قلبج يالغاليه وتسلمين اختي
على فكره ما ادري ليش احس اعرفج :26:

ياحبيلك ياختي الله يوفقك
اقول حريم اول امي وجداتي كلهم كانوا كذا تتزوج واحد ماقد شافته الافي ليلة الدخلة الا اذا كانت تتذكره اذا طلعوا يشتغلون مع بعض في المزرعة والحمدلله اغلب الزيجات ناحجة لاتشيلين هم
مدام تعرفين اهله اكيد هم خطبوك معجبين فيك مع انه لازم تشوفينه ويشوفك وهذا شي امر به الرسول اللهم صلي وسلم عليه
لكن مدام الأمر تم والكل موافق اذا تملكتي لازم تطلعين عليه لو مره وحدة قبل الزواج عشان تتكيفين انتي وياه لو مده بسيطة احس صعبة في ليلة الزواج كل شي مفاجاءة حتى شكل العريس جديد عليك
واذا ماقدرتي خلي اخوك يجيب صورته ولا اخته اذا كنت تعرفينها
وعلى العموم لاتشيلين هم مازل فيه كثير في مجتمعاتنا الخليجية بالذات العادة هذي موجودة اهم شي ان خطيبك مقتنع بالنظرية هاذي ولا عنده خلاف
الله يوفقك يارب ويسعدك
بارك الله لكما وبارك عليكما وجمع بينكما في خير <<<<<< مقدماً
منه المال ومنك العيال
:27:

ههههههه فطامي ليش لا كل شيء جايز ...:26:
والسموحه منج...

حبيبتي شوفي امهاتنا ماكانو ا يعرفونهم الاليله الدخله الحمدلله متوفقين اتمنى لك حياه سعيده مليئه بالحب التفاهم والموده والذريه الصالحه

السلام عليكم ورحمة الله وبركاته

موضوع احلى .. والنقاش فيه بيكون احلى
احنا بعد قبيلتنا واغلب القبايل الي نعرفها عندها نفس العادة .. مايشوفون بعض
العرسان الا يوم الزواج
واذا جينا للشرع فالحمدلله ديننا سمحلنا بالشوفه ... وهي افضل عشان كل واحد يشوف شكل الثاني..... وماينصدم يوم الزواج :29:

لكن عاداتنا شنقول .... وبالرغم من هذا انا اشوف انه افضل من اني اشوفه واكلمه
لا وادلعه24 ساعه واحنا للحين ماتزوجنا ... اجل اذا تزوجنا وش بنسوي ...!!!

اما انا فالحمدلله الي خاطبني ولد عمتي ... وبالرغم من هذا في البدايه ماشفته
على الطبيعه .... جزاها الله خير اخته جابتلي صورته ولو تشوفوني يوم شفته الوجه صار
كاتشب هذه وهي صورة .. وحسيت اني ماني قادر اطالع في الصوره <<< اخس يالحياء ههههههههههه

لكن مرة من المرارير تورطت مالقيت احد يجيبني من الجامعه ... طبعا مافي غيره
ياوووووووووووويلي كان بيغمى عليّ ... ماقدرت اطلع السياره واخته تقولي اطلعي وانا
ابي امي ابي ابوي ابي جدي :06:
وطول الطريق اقول خلاص هموسه ارفعي راسك وشوفيه من حقك عادي مو حرام
وماني قادره يادوب لمحته لمحه بس الحمدلله مبسوطه ومرتاحه ..

يسلموووووووو حبيبتي على هيك موضوع