لازم تراجعين دكتور امراض جلديه لان صديقتي تعاني من هالشئ وراحت للدكتور راح يعطيج كورس علاج بس اهم شئ ما تكوني مزوجه واذا كنت مزوجه ما تفكرين في الحمل لمده 6 شهور

صح مافي غير الدكتور ولو يكون طبيبه احسن
ونصيحتي لاتخلين ريتن ايه ولا غيره بدون استشاره طبيب لان يمكن هالشي ينعكس عليج سلبياااا

انا كان عندي نفس مشكلتك كان فيني حبوب بالظهر

والحين ظهرري صاااااااااااااافي 100% ويلق (( ماشاء الله )) مافيه ولاحبه ولاحتى أثر :icon28:

استخدمت على الحبوب كريم بنزاك Benzac
بعد مااتروش امسح مسحه خفيفه من الكريم على الحبوب واختفت هي مع أثارها

وهالكريم تمدحه دكتوره جلديه ومتوفر بكل الصيدليات ..

ليش ماجربين الحنا اللي للشعر
مطهر مرررررررررررررره للبشره واذا انتي خايفه انه يصبغ عااااااادي لانه في الظهر والاكتاف وحاولي ما احد يشوفك

اختي الفاضله
اعرفي السبب ترا اريح لك
وش سبب الحبوب اللي في ظهرك
انا طلع لي فتره حبوب في صدري وكتوفي وظهري
المهم اكتشفت السبب
كان العطور انا كنت استخدم شاور جل معطر وصابون معطر ولوشن معطر على جسمي
وبس وقفتها اختفت الحبوب بدون علاج