يا نااااااااااس.. عـلـمـونـي ا ص ر ف فـلــوس!!

حبيباتي

صار لي 6 سنين متزوجه.. من يوم ما تزوجت وزوجي اوضاعه الماديه تعبانه

تخرجت واشتغلت باكثر من وظيفه ومرات وظيفه الصبح وشغل ثاني المسا عشان اساعده

كنت اعطيه بطاقتي وهو يسحب.. وانا اطلب منه الخمس دنانير!! ادري بتقولون هبله!! بس ما احد علمني :29:

حتى وانا اشتغل باكثر من شغل كنت اصرف مثل مصروف طالبه بالمدرسه! عشان ما اكلفه فوق طاقته.. وحتى يسد ديون وديون.. وما سدينا شي! لبسي اقل وحده بين اهله.. بيتي فيه اقل من القليل.. يعني حتى خلاط الطماط ما خليته يشتري واخذت المستعمل مال امي.. حتى عصارة البرتقال وبراد القهوة خذيت من امي..

ولما فكرت بمره اني اشتري شي للبيت من شغلي "كنت محتاجه مايكروويف وكنت ابي دش" قال لي انه القوامه للرجل يعني هو اللي يتحكم شلون الفلوس اللي داخله على البيت بتنصرف! بطريقه ثانيه: مو من حقي افكر بشي اجيبه للبيت حتى من شغلي لانه لازم هو اللي يحكم الفلوس..واذا ما عجبني الكلام اترك شغلي!

وبعدها تركت كل الشغل بس ما دريته انه بسبب افكاره :42: تحججت بمشاكل بالشغل.. وهو فعلا في مشاكل بس مو هي السبب

.. وزوجي كان متعود اني ما اصرف.. كنت انقص على نفسي كللللل شي واقول له مو مشكله .. انا راضيه..بعت جزء من ذهبي عشان اساعده.. حتى الجوال شريته من شغلي لاني احتاجه في شغلي المسائي.. ولما تركت كل الشغل اعطيته حتى الجوال لانه ما يقدر يشتري واحد!


الحين وضعه شوي احسن.. لانه ببعثه ويعطونه دخل .. صح يا دوب مكفي.. بس الحمد لله على كل حال

اول ما وصلته على البلد اللي احنا فيها الحين اعطاني بيدي مصروف :32: واختكم اللي هي انا ما اعرف بمحلاتهم ولا اسواقهم.. اصلا ما عندنا سياره نروح نتسوق.. غير مع جارنا وجارتنا.. يعني بالله عليكم شلون بشتري معهم!! الخلاصه : مرت علي 3 شهور ومصروفي مال اول شهر ما عرفت شلون اصرفه! وكل شهر بيكون بيعطيني فلوس.. اقول له خليهم معك لاني ما صرفت شي من فلوسي! بعد الثلاث شهور خلصت فلوسه فطلب مصروفي:29:

طبعا بعدها حملت وتعبت بالحمل كان يمر علي شهر مو طالعه من البيت! اصلا وين بروح بهالغربه المتخلفه! فما كنت اصرف ولا شي! وين بدي اصرف يا حسره!

يعني هو تعووووووووود اني ما اصرف

وزوجك على ماعودتيه

الحين ولدت.. وحابه اطلع.. وانبسط واتسوق مع جارتي واروح مطاعم وشوية سياحه (الناس حاسديني على هالغربه بالهم قاعده اشم الهوا وانا محبوسه بالبيت ) وصرت ابي اشتري كم غرض على شوية مكياج على كم شي شخصي استفيد منهم بس ارجع على بلدي.. يعني ابي اصير انسانه عاديه مو حبيسة البيت اللي ما تصرف فلس..

ولما صرت اطلب الحين.. صار ما لي حق!!

واللي كان اسمه مصروف صار يقول لي عنه انها فلوس مخليها معي للطوارئ!

يعني لو اني طالبه بمدرسه ما يطلع لي ثمن علبه ببسي كل يوم!

ترا حتى ببيتي لو تدرون.. ما خليته يشتري فرن ولا خلاط ولا تلفزيون ولا شي.. لانه بعد اقل من سنه بنرجع بلدنا.. فقلت له ما له داعي هالخساير<<<<<< على بالي الفلوس حقتهم بنبسط فيها وبروح سياحه بهالبلد يا حسره.. وطلع معيشني بقريه.. مو قريه الا ريف...
يعني مرميه بنص حقول الرز! لا مول ولا سنتر ولا مطعم.. مثل اللي عايش بوسط الصحرا

ولو بروح على اقرب مدينه لنا .. باخذ قطار يكلفني مبلغ وقدره!!

حتى الحين الحراره عندنا صفررررررررررررررر وما خليته يشتري غير دفايه وحده لكل البيت وتشتغل على الكاز:01: مع انه البيبي عمره اسابيع!!



وصارت سالفه وزعلت ايام.. شكله يمكن يلين

الحين السوال <<<<< واخيرا


اذا اعطاني فلوس.. احتمال احتمال اقدر اعوده من الاول اني لي حق! لانه بهالمره فتحت له الاول والتالي وكل السوالف من يوم ما تزوجنا! وحس اخييييييييرا اني ساكته ومو عاجبني!

ترا هو ابن اصول ومتدين

اذا اعطاني فلوس هالمرة.. شلون ارجع اعوده اني اصرف مثلي مثل باقي خلق الله! يعني انا ما احتاج ملابس ولا مكياج.. اللي عندي مكفيني وهو لما يكون معي يدفع .. على ايش اصرفهم

واللا اجمعهم واطلب منه غيرهم.. ولو قال لي وين صرفتيهم اقدر اقول له ما صرفتهم وابي غيرهم:29:؟؟

واخذ منه كل شهر.. واللا لما اخلص يعطيني؟؟ واقول له يعطيني رقم ثابت واللا على التساهيل؟

واعوده اني انا اللي اطلب واللا هو يسالني اذا محتاجه؟

وترا كل طلعاتي للحين تكون وياه.. يعني اصلا هو اللي لازم يحاسب

واللا احاسب انا من مصروفي

وعلى ايش احاسب وايش لا؟

والله مو عارفه شلون اكتب اسالتي.. منحرجه

بس علموني شلون اعوده اني اصرف

ادري طولتها وهي قصيره

بس ما لي غيركم اكلمه بهالغربه

يا اكلم زوجي.. يا اقعد على المنتدى.. الله يعين :06:


الله ييسر امرها اللي تساعدني