يا ناس الله يخليكم زوجي طلع يحشش

السلام عليكم
يا ناس قبل كم يوم دخلت مكتب رجلي ولقيت في الدرج شئ غريب ما قد شفته في حياتي
المهم بقول وشو عشان اللي يعرفه او قد سمع عنه يعلمني عشان اتاكد
شئ ريحته مخيسه مره وزي الصلصال وملفوف بشيطرطون هو شئ طويل طول اليد تقريبا وعرضه قد اصبعين يمكن
ولونه اسود على رمادي يعني مو اسود داكن اللي يعرف وشو يقول لي

المهم انا اخذنه ودخلت على زوجي وقلت له وشو هذا قعد يقول مو شئ ومن هالحكي بعدين عصب وقعد يدخن وسافهني وبعدها قعد يحاول يضيع الموضوع ويقول مهب لي اصلا مع اني قد شفته بالحوش ولما شافني ارتاع وكب اللي معاه فلقيت بالارض نفس هاللي لقيته ولكن قطه صغيره ومدوره ولا اهتميت حسيت انه شئ مرمي بالحوش حتى اني سالته وشو وقال ما ادري وكانه شايفه اول مره المهم قعد يقول لي هذا اعشاب وكل شوي يقول شئ
انا بعدها بكم يوم سالت اخوي قلت له وشلون شكل الحشيش وصفلي اياه كانه هو بالضبط
يا نا س المشكله اني اليوم دخلت عليه بالمكتب ولقيته بالحمام الله يكرمكم
المهم انا دخلت بعده صدفه للحمام برمي بالزباله مناديل اكرمكم الله
فلما دخلت الحمام شميت ريحه علقت
ريحت الحمام غريبه
قال ايه توني مدخن فيه انا شكيت ودخلت مره ثانيه والا الريحه نفس ريحه هذاك اللي لقيته
فحاولت اكلمه ولكن ما عطاني وجه وانا امس سالته عنه وقال اني رميته
ولا عندي شئ ابدا
ياناس انا ما قد شفت عليه شئ ابد بس وش السوات المشكله اني ما اقدر اقول لامي ولا ابوي ولا اهله ولا احد فما لقيت غيركم اشكيله ارجوا المساعده
مع اني قاعده افكر اني اتطلق يعني ما بعد الحشيش شئ وش رايكم يا جماعه على انه عندي طفلين ؟؟؟
افيدوني جزاكم الله خير