الحشيش منتشر وكثير يحششون وماحد يدري عنهم ....ويكتشفون احيانا صدفه ....الله بالدعاء والنصيحه والتنبيه لعواقب الامور وعدم التنازل والرضا بمايفعل ....اللي عندها اطفال لازم تكون حكيمه ...وتحل كل مشاكلها بمايخدم مصلحة ابنائها والطلاق لابد منه اذا وصل الامر لاهانة الزوجه والاطفال او ضربهم....انا اعرف زوجات عاشوا مع ازواج يشربون وبحششون وزوجوا عيالهم وماحد درا عن اللي صار لهم ...صبر وحكمه الله يرزقنا واياكم ...اهم شي لاتفضحينه واحتويه وحاولي لعل الله يرده ردا جميلا

لا تطلقين ولا شي بيهديه الله واهو لا يجيب الشك ولا شي ومارح يشك فيك مهوب صحيح بس يفلس المخابي وزي ما قالت وحده من الخوات اغلب الشباب السعودي يحشش الا من رحم ربي وفتره بتعدي ان شاء الله ولا تخافين ياما فيه ناس تحشش وفاتحه بيوت وعايشه وهداهم الله وحاولي تتفاهمين معه المهم طلاق لا لا لا اغلب الرجال يحبون يجربون وبذات اللي يدخنون فلا توصلين الموضوع لطلاق ابد ابد واللي ينصحك فيه ابد مهوب عاااااادل وش هشور المخيس فيه الف طريقه وطريقه الا الطلاق

الله يعينك
هالامر مو بسيط

صديقتي اكتشغت ان اخوها يحشش هذا الكلام قبل اربع سنين وطبعا مافيه فايده فيه فشلت كل محاولاتهم معه انه يتركه الان الولدتلفت عنده جزء من خلايا المخ -انسان فيه انفصام بالشخصيه - مايمشي الا ومعه سكين او اي اداة حاده ليش ؟؟تقول يحسب الناس كلهم بيذبحونه قبل فتره طلع عليهم وراح لاخوه الكبير وبغى يذبحه الين فكوه منه ومن بكره راح لاخوه بالدوام ونفس الشي طقه قدام العالم والناس اتصلوا على مستشفى الامل وجابوا ست رجال واخذوه من بيتهم بدون علمه للمستشفى وكشفوا عليه قالوا لهم ان الحشيش سبب له تلف في بعض خلايا الدماغ بس للاسف ماعندنا سرير وطلعوه!!!!!!!1انسان خطر جدا جدا حسبي الله ونعم الوكيل اتصلوا على الشرطه وسجنوه عندهم يومين وكتبوه تعهد وبرضه طلعوه !!!!حالتهم حاله الله يعينهم ويعينك الحشيش من اخطر الانواع هو والكبتاجون الله يصبرك ترى الموضوع ماينسكت عليه اقترحي على زوجك انه يتعالج وانك راح تساعدينه لعل الله يبعده عنه والا ترى حياتك وحياة عيالك الزم وعليك بالدعاء والصلاة والاستغفار !!!1ابقولك قصة امي مع الدعاء ابوي الله يخليه لنا كان انسان فظيع جدا يشرب ويسكر واشياء فظيعه والله انه كان يطق امي قدامنا كان يطقها بشكل يومي المهم مره من المرات وقبل رمضان بكم يوم تهاوشت هي وياه وطقها طق الله يعلم فيه والله الى الان المنظر قدام عيوني مع انه قبل عشرين سنه!!!!والله لايمكن انسى المنظر بعد ماشبعت من الضرب وطلع هو من البيت وخلانا طبعا يخلينا بالايام مايدري عننا !!التفتت للقبله ودعت الله وهي تقول يارب اما انك تهديه والا تاخذه والله كررتها ثلاث مرات وهي ميته من الصياح ياعمري امي تعذبت !!!المهم بعد كم يوم جاء ابوي بس موابوي اللي نعرفه !!!!!اشعث اغبر حالته حاله انا واخوي من الخوف انحشنا وسكرنا الباب هي ياحياتي راحت له شوي الا ونسمعها تصيح وتقولنا بصوت عالي تعالوا ابوكم ربي هداه!!!!معجزه ّ!!!فتحت الباب ورحت لغرفة امي وابوي واشوف ابوي يصيح ويجمع اشرطة الاغاني والفيديو باكياس زباله ورماها سبحان الله هذا الكلام ليلة رمضان !!وتغيرابوي سبحا ن مغير الاحوال شي لايصدق عشنا حياة ثانيه والى الان نعيشها ولله الحمد الكل يحكي فيه الى الان حنون وطيب الكل كان يسمع صياحه بتروايح رمضان السنه الاولى اللي صلى فيها اصلا كان مايصلي !!!يارب لك الحمد بس الشي الوحيد اللي ماعرفناه الى الحين حتى امي ماتعرفه وش سبب هدايته ؟؟؟عشان كذا ادعي ربك بالثلث الاخير من الليل وانصحيه وعلميه انك فاهمه وكاشفه الموضوع عشان مايراوغ ويكذب واجهيه حطي عينك بعينه عشان يشيل هم ويخاف على الاقل- الله يعينك ويفرج عليك

طيب ليش ما تقولي لاهلك او اهله