يا ناس بنجن من تصرفات هالرجال

شوفو بصراحه:arb: اللي عندي هبل بي
ما صار يهتم بزعلي
وش أسوي أحس حط بباله تزعل يوم وبترضى
تخيلوا اليوم طالعين ربعه للبر
المهم قال عشانك ما راح أطلع معهم
بس بعد العشاء بيحطني عند أهلي وبيروح لهم
المهم قمت على صلاة المغرب ما لقيته
دقيت عليه يالله رد
المهم يوم رد قلت وش فيك قال فيه واحد متوفي
قلت وينك فيه قال فيه واحد متوفي
قلت طيب وينك قال أنا عند ربعي
المهم جلست أتهاوش أنا وياه
شوي ثم صكيت السماعه حسيت ما فيه فايده
المهم وش أسوي لو أروح لاهلي الى الجمعه هو عارف مصيري برجع
وأنا صح زعوله بس كلمتين على بعضها ترضيني
المهم وش أسوي عشان يصير يهتم فيني أروح أزعل عند أهلي
ولا أطق راسي بالجدار وأعيش حياتي حاطه في بالي ان الحياة كذا
المشكله انه ممكن اطول الزعله بس هو ما يتضرر اول ما يشوفني زعلانه يصير يطلع كثير
وانا عارفه الحين بيجي ويعطيني كلمتين حلوة ثم برضى
وش أسوووووووووووووي
والله مليت
أنا تزوجت وانا عمري 17 والحين عمري 19 بعض الاحيان أقول وشي اللي حادني
والله كنت بثنوي ألعب ومستانسه أبوي مدلعني وأمي ومع صديقاتي مستانسه
وبالقرنين أنطط وفي ممرات المدرس نستهبل وش اللي حادني أتحمل
كل هالزعل
عشان:arb: لا راح ولا جاء

وش رايكم وش أسوي؟؟؟:(