يا ناس تعبت معها والله 💔

صباح الخير
يا امهات شورو علي ما اعرف كيف اتصرف
عندي بنت عمرها باقي شهرين و تكمل ١٠ سنوات تعبتني مرره بتصرفاتها 😭
اول شي عصبييه جداً و تتنرفز على طول متسلطه على اخوانها اللي اصغر منها من تشوفهم تنهل عليهم سب و هواش ، تاخذ اغراضهم جبرياً و ياااويل اللي ياخذ اغراضها أو يفوز عليها ب لعبه او تأمره و ما يجيب لها اللي تبي تهاجمهم بالضرب والسب بكل عدوانيه و تغاار منهم طول اليوم تسب و تضرب فيهم عمداً واحيان خارج ارادتها ترفع صوتها عليهم حتى بوجودنا انا و ابوها أو اي احد واذا تكلمت معها بهدوء تتحلطم و تصر على كلامها واذا هاوشتها تعصصب و تبكي و تزييد
ثاني شي اذا قلت لها رتبي غرفتك أو شيلي غرض من الصاله أو نشري الملابس أو اي شي بسيط تقول طيب و ما تسويه تقول نسيت داااايم على هالموال يعني ما تسمع ولا تهتم لكلامي الا بالقوه والهواش صرت احس انها ما تحترمني ولا تحط لي اي اعتبار !
ثالث شي ما تهتم بأغراضها الشخصية أو حل واجباتها الا إذا كلمتها برضوو تقول نسيت و ما انتبهت ، اذا فتحت الدولاب ما سكرته واذا اكلت ما شالت صحنها اذا خلعت ملابسها رمتها ف أي مكان وووو حتى الصلاة بالقوه تصليها كمان فالمدرسة صارت تهمل دروسها و واجباتها
رابع شي أحيان ترفع صوتها علي و تعطيني نظرات و ترد علي و تعاند واذا جيت اناقشها تتنرفز و تفهم اني اهزئها
يا بنات تعببببت معها تعبب مو طبيعي صرت انا و هيه ف هواش و صراخ و بكى طوول اليوم جيتها بكل الأساليب مدحتها عاقبتها كافئتها حرمتها تغاضيت عنها ضربتها نففسس الشي
لا تقولون كلمي ابوها اذا كلمته ما رحمها يضربها ضرب مبرح ما يتفاهم
فيه نقاط لازم اذكرها عندها ضعف ف المهارات اللغويه ما تسرد القصه ولا تستوعبها بسرعه و اسلوب الحوار عندها ضعيف و تتأخر ف سرد الجمله واذا جلست مع مجموعة ناس ما تستوعب سوالفهم ما تعرف تعبر عن اي شي حتى اللي بداخلها و اكثر شي يلفت انتباهها اللعب الحركي ، علاقتها مع اقرانها كويسه نوعما لكن تغلط عليهم واذا غلطو عليها تهاجمهم جريئه ف قراراتها و ما تصر و تزن على الشي اللي تبيه
سامحوني على الإطالة اكتب وانا محروقه من جوا توي ضربتها و اسمع بكها وابكي معها 😭💔