يا ناس خلو رهيف القلب في حاله

يا ناس خلو رهيف القلب في حاله
خلاص يكفي سكبتوا دمعة الغالي

يحب! يعشق ! يعيش الليل بآماله
يسج! يسهر! يناجي ليله السالي

خلوه يعشق و لوموا العشق و افعاله
وش تطلبونه مدام القلب ميالي

كيفي و كيفه و نبض الشوق غنى له
و امسى يغرد خفوقي يوم غنى لي

ايه اقدحي يابيوت الشعر بجزاله
ابعترف بك مدام الشعر مدهالي

إن كان للشعر شيطانه و مواله
بعسف شياطين شعري لين ترخى لي

ايه اعشقه و اعشقه و اموت بوصاله
يفز فكري و اهده يوم يطرى لي

اليا فقدته أشوف الموت و اظما له
يمر مثل السراب اليا تهيا لي

يثور شوقه إلى من جيت في باله
يا كيف شوقي و هو دايم على بالي

يطيب فالي إلى من طاب له فاله
و يطيب فاله الى من طاب لي فالي

نوب(ن) أكابر و يسوق هبالي هباله
و نوب(ن) يعاند و يتل هباله هبالي

أحاول اروي شعوره عشق و اروى له
و ابيه لا من روى يرجع و يظما لي

يا بخت منهو سعى له لين يسعى له
يا بخت قلبي بقلبه يوم يسعى لي

لا من سألته عن الخفاق و احواله
يتوه صوته و يطرق غير موالي

و ارد و اسأل خفوقك هاه وش حاله
مسوي إني مغير نبرة سؤالي

و تثور حمرة خدوده و ترعش وصاله
و تضيع نظرة عيونه فالفضاء الخالي

و اليا سمعته يتمتم و الحيا طاله
فديت عمرك أحبك يابعد حالي

تهيضت هالضلوع و ذابت قباله
و تنكست بالخفوق و جاك من عالي

أحس قلبي رفع يمناه و شماله
يبايعه بالوفا لو الزمن طالي

سلم متاريسه . مفاتيحه . على قفاله
و سلمه كل عرق(ن) فاض بآمالي

و مرة أحسه كذا فجأة تهيا له
مكتوب! مقسوم! صدفة! يا هنيا لي

و أحس كنه تجرا بكفه و شاله
و حط له في شموخ العز منزالي

و مرة أحسه تسرع حيل و ارثى له
رهن حياته بدنيا(ن) مالها تالي

أحس كنه كسير(ن) شدة حباله
تعلقت به عيون الناس منشالي

كسير و اعمى و يد السياف تختاله
سلم شعوره و سيف العشق قتالي

كلما تبدد شعور(ن) يظهر بداله
كن المشاعر تصافق و لا لها تالي

يا عاذله يا خاذله ما لك و ماله
يا رعد يا ليل يا برق(ن) تضوى له

عسى سحاب(ن) هطل بي يرأف بحاله
سيل عروق(ن) سقاها كل هماله

و شتت ضلوع(ن) تهاوى نصها البالي
و كسر غصون(ن) جفاها الوقت بأهماله

تسابقت لليباس و لا لها ظلالي
في يوم كانت رياض غصون مياله

تظل قلبي و تحرق كل عذالي
في يوم كانت تظل انسان تزهى له

لكن جزاها هجير الوقت باهمالي
اصحى زماني تنبه جرحي الداله

صعبة أعيش الزمان اللي تعدى لي
ما ابغى اتذكر عذاب(ن) كثرت أشكاله

مدام ربي رزقني خل(ن) مثالي
فديت قلبه و فكري كلي فدا له

يا بخت قلبي بقلبه يا هنيا لي
تكفون خلوا رهيف القلب في حاله
وش تطلبونه مدام القلب ميالي

منقووووله :)