يا ناس ساعدوني ترى انا ناوية على ---

سلام كيفكم
انا ابغى اعرف رايكم في مشكلتي العويصة انامتزوجة من 5 سنين وانا عندي مشاكل كبيرة مع زوجي
وانا عرفت عنة شي مو طيب واستحملت ووعدني انة ما يكرر هدا الشي
وان صدقت بس ما كنت مطمنة فقلت له احلف بيمين طلاق نهائي انك ما ترجع لدا الشي وحلف لا وكمان كتب ورفة وحلف فيها وانا بعد فترة رميتها
ومرت الايام واتفاجات وعرفت انه رجع لدي العادة
انا بكيت وضربت نفسي وكنت حموت ورحت عند اهلي وتركت البيت
ومعايا ولدي
انا اقول اني اتطلقت بس ما اعرف انا مو طايقة زوجي ادا ابدا وما ابغى ارجع
وهو يقول انو شاريني كيف بالله شاري وعمل اللي كنت متفقة معاه انه ما يسويه
حسبي الله عليه انا كثير تعبانه منه ولا قبل هادي المشكله مشاكل وفضايح عند الاهل والجيران
وضرب وشتم وحاله ربي يعلم فيها ودي المشاكل من يوم زواجي والله ما شفت يوم حلو
وحتى امه وهي خالتي معايا مو طيبه
انا عندي شهادة جامعية بس ما اشتغل وهادا الشي اللي مخوفني اذا اتطلقت واهلي على قد حالهم
مالي مكان في البيت
لا وولدي ما اعرف حيحرمني منه ولا ايش
انا مرة تعبت زوجي يعني طيب بس هادا الشي دمر كل شي
لا تقولوا استحملي ترى شي مو طيب ابدا
ارشدوني هداكم الله وشكرا