يا ناس صدمتني صديقتي بكلامها اكمل معها ولا اتركها//قديم+تم الرد.

اخباركم بنوتات

تدرون اليوم انصدمت من صديقتي بالجامعه وكلامها
اللي قهرني
وحسيت انها تحب المظاهر اكثر من اي شي كنت توي متعرفه عليها يعني لنا شهر خلوني اسميها اسم وهمي هدى
وبالصدفه تعرفنا انا وهدى على وحده
بالجامعه خلوني اسميها لمياء البنت
عااااااديه جدا ملامحها وشكلها وجسمها نحيفه
كانت تظفر شعرها
وتلبس ملابس عاااااديه جدا
وشكلها عااادي واحيانا تجي ماتهتم بلبسها وشعرها بس والله البنت مررررررحه مره وتحب الخير
واخلاقها وتعاملها حلوووو معي وانا ماهمني الشكل اهم شي اخلاقها
ويوم من الايام
ارسلت لمياء رساله
لهدى تمزح فيها
وردت هدى للمياء الرساله وقالت لها يا جحشه
لا ترسلين رسايل
طبعا لميا زعلت
وحز في خاطرها هالكلام
وجت وقالت لي ان هدى قالت لي يا جحشه وتضايقت من كلمتها قلت يمكن تمزح معك
قالت لا انا دقيت عليها ابستفسر منها ليش تقولي يا جحشه وماردت علي
المهم
لمياء سكتت ومشت الامور وعادي تجي الصباح وتسلم
وتضحك معنا
بس الفتره الاخيره تغيرت علي
وعلى هدى
وصارت ماتجينا ولا تكلم معنا وكنت في وقتها حامل وتعبانه من الوحم واخلي صديقاتي واجلس لحالي لان مالي خلقهم بس ماكانو يدرون اني حامل
المهم
وفي مره من المرات ارسلتي رساله تقول خيال بسررررعه افتحي ايميلك بكلمك
قلت خلاص دقايق بس
كلمتها بالمسن و قلت و ش عندك
قالت تذكرين الرساله اللي ارسلتها لي هدى قلت ايه
اذكرها
قالت اشوفك من بعد الرساله تغيرت علي
وماعاد تكلميني
وانا ادري انه اتفاق بينك وبين
هدى عشان تبون تفتكون مني وتفارقوني
بس انا لي كرامتي
وابي انسحب من نفسي ولا عاد تكلموني ابدا
قلت يا بنت انا حامل وتعبانه والله ماتغيرت عليك
بس مجرد تعب
قالت خلاص اقطعي العلاقه معي و امسحي رقمي من جوالك
قلت يا بنت افهميني وسكرت ايميلها
وماعاد ارسلت وشكلها احذفتني
وجيت من بكرا وقلت لهدى كل شي وهدى قالت خلاص نبي نتركها مو لازم نترجها
قلت طيب انتي ليش تقولين لها هالكلام
بالرساله قالت كنت امزح بس انا ما صدقت هدى وشكلها هدى ماتبي تخسرني لانها مالها صديقات الا انا بالجامعه
مرت الايام وقطعنا علاقتنا بلمياء
وجاء اليوم اللي تكلمت انا وهدى في موضوع لميا
قالت هدى تبين الصراااااحه
انا لميا هذي مااطيقها
شكلها ولبسها وع
وشعرها ماتهتم فيه واحسها بدويه
انا انصدمت
قلت حرام عليك البنت يمكن عندها ظروف يمكن ماعندها فلوس تشتري مثلنا حرام
قالت لا مو حرام لازم الواحد يهتم في نفسه
وبعدين انا مااصادق بنات زي كذا
انا احب اصادق بنات مزيونات ومرتبات
قلت لها يا هدى اهم شي الاخلاق
قالت ايه الاخلاق والزين كلهم
قلت الله يرحم حالك ومشيت وتركتها
وانا قلبي مقهور على لمياء لانها كانت معي قمه في الاخلاق
عكس هدى اللي اهم ماعليها المظاهر وياليتها هدى مزيونه وتهتم في شكلها
يا بنات هدى عاديه جدا حتى شعرها تقول احيانا اسبوع ما امشطه
طيب ليه ماتصلحين نفسك بالاول بعدين تتكلمين عن الناس وانا من طبعي مااحب اعيب بالناس
لانه هذا من الله اول شي وثاني شي يمكن البنت مامعها فلوس تشتري
اااااخ عرفت بعدها اني فقدت وخسرت لمياء اللي كانت معي قمه بالاخلاق والاحترام والتقدير
وماادري وشلون ارجعلها
وهالحين لميا تحسبني ماابيها حتى السلام ماتسلم علي :44:
وهي ماتدري وش اللي بقلبي وحبي لها

بنات انا كرهت هدى بعد كلامها
هي ماتحترمني
وهدى عليها تصرفات مهي زينه وودي ابعد عنها
بس المشكله ماعرف احد ولا عمري صادقت احد
تكفون دورولي حل لمشكلتي
تكفون
انا حامل وتعبانه وابي احد يوقف معي ويساعدني
وانتو عارفين الصديق وقت الضيق
اااااخ بس على صديقاتي بالثانوي الله يذكرهم بالخير
بنات قولولي وش الحل مع هدى طفح الكيل منها
انا افكر اني اخلص الترم هذا على خير
والترم الجاي اغير وقت محاظراتي
واتعرف على بنات جدد
او اني اصارح لميا بموضوعها بس اخاف تنجرح من كلام هدى لها
يارب ارزقني بصديقات قمه في الاخلاق والتعامل يارب ياكريم