يا ناس قولولي كيف اربي اولادي على الادب والصلاح وسط مجتمع فاسد؟؟؟؟؟؟؟؟

بسم الله الرحمن الرحيم
السلام عليكم ورحمة الله وبركاته
كيف حالكم جميعا عسااااااااااكم طيبين
طرحت سؤالي في الموضوع زي منتو شايفين
وايد منكم الاجابه يا مجربين
انا كاي ام حابه اربي اولادي على القيم والاخلاق وحسن المعامله لكن المجتمع الي احنى عايشين فيه ما يرحم (((((((اقصد الاهل والاقارب ))))))))))) اي كل من يخالطهم الطفل
الجاره والصديقه قلنا نقطع علاقتنا معاهم مو مشكله لكن المشكله هنا الاهل
مثلا انا اهل زوجي ينعدم فيهم الاحترام بشكل فضيع اذكر لكم مثال كلمه انقلعي على لسانهم عى طول تقريبا كل خمس ثواني يقولوها ثلاث مرات ورا بعض وما ابالغ وربي يشهد
غير باقي الالفاظ
يعني المجتمع ذا ودي اربيه قبل لا اربي اولادي
وانا ما اقول ان اهلى يعني خواتي ما يصير بينهم خصام يصير بس والله مو زيهم يتناقشون لين تتعقد الوحده بس يحاولون بقدر الامكان انهم يبتعدون عن ذي الالفاظ خلاص كبرنا عليها (((((((على فكره خواتي وخوات زوجي اعمارهم متقاربه علشان ما تفكروا ان خواتي اكبر )))))))
وتقولوا في سن المراهقه واكثر وحده لسانها متبري منها اخت زوجي الكبيره كل حريم اخوانه يشكون منها مو انا بس
كنت امس افكر اقولكم على بعض الصفات يا اخوات احس ان ماعندي خصوصيه في البيت مع اني مستقله بشقه لحالي بالبيت لكن للاسف غرفه النوم يدخلوها ختى لو كانت مقفله يدوروا على المفتاح ويفتحوها
اذا جت تبي تتفرج على التلفزيون وكنت متابعه برنامج تشيل الرمونت من عندي
وعلى طول تقلب على الي تبيه ولا سلام ولا ختام كان البيت بيتهم
واكتشفت انوا مو انا الي اعاني حتى حرمه اخوها الثاني برضه ساكن بشقه مستقله بالبيت تعاني من نفس المشكله بل الادهى انهم معاهم نسخه من المفتاح يدخلوا بيتها وقت ما يشون والله والي يقطع لساني
كنا متجمعات عندهم كل حريم الاخوان يعني وتكلمنا عن النوم الثقيل قامت الصغيره فيهم عمرها يمكن 14 سنه قالت والله ما تشوفوا فلان وحرمته وانا اصحيهم للغدا صرخت فيهم وقاموا مفزوعين وضحكت على خيبتها طبعا هم ما قاموا مفزوعين من شده الصوت هم مفزوعين لكونها دخلت عليهم غرفة النوم وما راعت خصوصيتهم وصار وجهه البنت الوان ودها تسكتها يعني صراحه لحد هنا وخلاص ما تنحمل تصرفاتهم المشكله انهم مو حاسين انهم سوا شي غلط ولا على بالهم اننا نعاني منهم
معليش خرجت من الموضوع لاني والله مقهوره منهم وما عرفت اعيش حياتي
الحين ابيكم تقولولي كيف اربي اولادي وسط ذا المجتمع ؟؟؟
وكيف احد من لقافة اخوات زوجي واعيش حياتي بحريه لا تقولو قفلوا الباب لانهم راح يدقوااا لين اصاب بصداع من كثر الازعاج وكمان احراج هي تدق واولادي يقولون ماما افتحي لعمه ... وانا اطنش صراحه قويه ابي حل غيره
ودمتم ...
واسفه على الاطاله واللخبطه