يا ناس هذا التصرفات عاديه؟؟

مساء الخير بنات اخباركم وعلومكم

المهم انا هذا اول مشاركه لي وياليت تبينون انا غلطانه او ايش

ادخل في الموضوع

انا خالتي ام زوجي والله احبها وهي تحبني بس المشكله انها تحب ولدها بشكل غي طبيعي

يعني مثلا هوياكل واذا سئلتني وينه اقول لها طالع تقول لي ليش خليتيه يطلع اقول وهو صغير علشان امنعه

وتقولي اتصلي عليه خليه يجي واذا مااتصلت تتصل عليه هي وتقول له تعال زوجتك تبيك

وتقولي في وجهي انه من يوم تزوج وهي قلبها معه وانها ودها تطبخ له وتاكله ليش وش صاير هذا واحنا ساكنين في
شقه فوقها اجل لو بعيدوش را تسوي



واذا جاء وقت الظهر ترقى عندي وتشوف انا طبخت له غداء او لا ماطبخت

واذا قلنا نبي نسافر تجلس تصيح وتحن وتون لاتسافر وشوله خساير ومدري ايش بعد

تخيلوا بنات انه بالليل تقريبا الساعه عشر او احدى عشر نسمع صوت الباب واذا فتحناه نلقى هي وتقول ان قلبي

حاس ان فيك شئ انت طيب ولا فيك شئ وتجلس تفحصه
وعلما ان عندها غيره ثلاث اولاد يعني هو الرابع

وتخيلوا الطامه الكبرى انها اذا جاء الصبح هي تتصل عليه با الجوال تصحيه للدوام طيب خلاص انا زوجته ونايمه جنبه اناراح

اصحيه ولاتاكل هذا ولاتشرب هذا وانا سئلت زوجي قلت هي معك من قبل كذا قال لا بس بعد الزواج سوت كذا

واذا صرت جالسه ودخل علينا تجلس تبوس فيه وتبيوس في يدينه وتبوس في صورته

مادري يابنات هذا غيره او حرص او مدري وش اسمه

وانا عارفه فيه بنات راح يفهموني غلط ويقولون ولدها ترى انا بس اسئل هذا شئ طبيعي اولا

ولاحظا في البدايه انا قلت انا والله احبها بس بعض التصفرفات والتدخل في الحياة تضايقني

ايه قبل لااختم تذكرت حاجه

زوجي طبعه بيتوتي جداجداجدا يعين قليل يطلع من البيت وان اسولف مع وحده من خواته

واقولها اني اتضايق اذا طلعت ورحت بيت اهلي وهو جالس با البيت ياليته يطلع وقت الاجازه هي سمعتني

جاتني اليوم الثاني وقالت لاتقولين له يطلع تخلين ولدي يطلع انا قلت الاياخالتي بس ا1ذذ كنت انا طالعه

اتضايق قالت اجلسي لاعاد تطلعين واللي يبي يسلم عليك يجيك ببيتك يسلم عليك

يعني معقوله تجي امي وابوي يسلمون علي كله علشان خوفها على ولدها ماتبيه يطلع

وابي اشوف رايكم هل هذا تصرف كل الامهات مع عيالهم اذا تزوجوا كذا او هي تبالغ

وانا اشوف امي تحب اخواني بس ماتسوي معهم كذ

فهموووني