كيف حال الحوائيات الكريمات؟؟
مثل ما هو مكتوب بالعنوان محتاجه اخذ رايكم باللي اخترته من سيراميك البيت والحمامات اعزكم الله وهذي اول مشاركه لي بقسم الديكور عاد لا تخيبوا املي فيكم الله يرضى عليكم جميعا يا رب
ابدأ بالسيراميك اللي اخترناه انا وزوجي الشكل الرخامي بما انه يتناسب مع اغلب الاثاث
اتفقنا انه يكون لمجلس الرجال اللي بالدور الارضي + الصاله 4*4 بجانب مدخل المجلس وامام الدر المؤدي للطابق الثاني
وايضا نفس السيراميك لمجلس الحريم بالدور الثاني + الصاله بجانب مجلس الحريم 10*6 وهي ايضا تطل على شرفه مغلقه
بالنسبه لغرفة النوم هي تابعه لها غرفة ملابس صغيره مثل الجناح 3*3ومن بعد غرفة الملابس الحمام 3*4اكرمكم الله
هذي لون غرفة النوم لونها بيج رخامي
هل اعمل لها نفس السيراميك الرخامي اللي بالمجالس او اعمل لها هذا اللون من السيراميك عدا التشكيل اللي بالوسط البني بنعمله بالجناح المؤدي للحمام واللي فيه بيكون دولاب كبير للملابس
الان نجي لحمام غرفة النوم انا اخترت هذا الحمام بما ان الغرفه والجناح لونهم بيج رخامي , وزوجي عاجبه وبقوه الحمام الابيض والاسود خااااااااصه انه في شاور اسود يقول احلى من الشاور الزجاجي
هذا الاسود اللي عاجب زوجي
وهذا حمام ابيض واسود بنقش اخر كنت اريده هو مع الشاور بس زوجي يقول داخل بنفسه اللي يجي اسود وابيض مخطط على خفيف مثل شكل الرخام نفس اللي بصورة الحمام اللي فيه الشاور
تنصحوني اختار الاسود المنقش مع الشاور الاسود لغرفة النوم او البيج مع البني بشاور زجاجي او الاسود والابيض الرخامي مع الشاور
الحمام الثاني بيج مع بني بس مختلف تماما عن الاول واخترته يكون لحمام مجلس الحريم هو او الاول في حال اذا رشحتوا لي اللون البيج لحمام غرفة النوم
الان الحمام المشترك بين الاولاد والبنات هل اخليه هذا الاخضر مع الابيض ام الرمادي مع ابيض بيكون في حوض استحمام وليس شاور