يا ناس يا عالم ادخلوا بسرعه!!!!!!!

السلام عليكم ورحمة الله وبركاته

هلا خواتي الغاليات حبيت اطرح عليكم موضوع بل اعتقد انه اصبح قضية شاغل تفكير بنات اليوم اكثر من اي شيء اخر وهو















الزواج


والله يا بنات في قلبي قهر من سوالفنا اللي ما تخلص عن الزواج ، اذا جلسنا بالبيت جابوا سيرة الزواج واذا بغينا نغير جو وطلعنا برا بعد جابوا سيرة الزواج واذا جاء نصيبج وتزوجتي بعد قالوا لج ليش تزوجتي الحين بعدج صغيرة على الهم والنكد او اذا كان المعرس وسيم قالوا المعرس احلى عنج واذا كان شكله عادي قالوا يحمد ربه ان محصل وحده احلى عنه وتبدأ التعليقات وبعدين اذا الوحده تأخر حملها قالوا مسكينة ما حملت ، طبعا كل هذا يحصل اذا تزوجتي


واذا ما تزوجتي تشوفين الوحده منا تصيح وتنوح وما تطلع وتحبس عمرها بالبيت ولا تشوفينها قاطعه العالم كله ليش عاد؟ عشان تشوف عمرها عانس! ويكون عمرها ما تعدى العشرينات سبحان الله اذن اللي عمرها بالاربعين وما فوق شو تعتبر نفسها !
والقهر ان معظم مواضيع المنتدى وخصوصا في هذا القسم كله عن تأخرسن الزواج


يا بنات يا عالم ارحموا اعماركن بسألكم سؤال ليش تبون تتزوجون ليش؟

اكيد تبغون الستر من الفتن والحرام

اكيد تبغون تتمنون انكن تكونون امهات المستقبل

اكيد تبغون شخص يشاركج افراحج وهمومج وتعيشين معاه بقيه العمر

وغيرها الكثير من الاسباب

بس ما فكرتي انج حرمتي عمرج من فرحتج بشبابج ، نعم لقد اطفأتي زهرة شبابج بتفكيرج لكلام الناس وجلبج للحزن والاسى وهذا كله جلبتيه بيدج!!!!!

ليش ما تعيشي عمرج الباقي مع اهلج بفرح وسرور لأن غدا لناظريه قريب عندما تتزوجون وتعيشون في بيت اخر وتتمنون ان الايام ترجع ورا عشان تغيرين الجو اللي كنتي عايشة فيه الى فرح وسرور و تكونين عايشة في بيت اهلج سعيدة ومرتاحة

ليش تعتقدون ان الزواج هو الخلاص لكل فتاه من اي عذاب اوألم او اسى تعترض له في الدنيا مع انه يمكن يكون هو السبب في تعاستها ودمارها

ليش ما ترسمين احلامج الوردية الى جانب الزواج احلام اخرى تقدرين تحقيقنها وترفع من ثقتج بنفسج واعتزازج بها


ليش ما تواجهين الناس وانتي كلج امل وتفاؤل وقوة بدال من هالدموع والضيق والحزن اللي جالبتنه لج


واخيرا وليس اخرا ترى كلام الناس ما يخلص وراج وراج وين سرتي وين جيتي
اذا تزوجتي تكلموا عليج واذا ما تزوجتي بعد تكلموا عليج

اتمنى اني اشوف تفاعلكن معاي في هالموضوع واراءكن......

والسموحه منكن

اختكم ورد الامارات