هلا اختي ستاار وكل الخوات

انا الدكتورة كتبت لي بس الفوليك اسيد وقالت كل يوم حبه.. عدل كل يوم حبه لو انا سمعت غلط؟؟

انا الحين بدخل الشهر الثاني تقريبا بس للحين ماعندي ولا شي من اعراض الحمل غير الم الظهر.. عادي يعني؟؟

هلا حوامل ..شخباركم ؟

أم صباح .. العفوووو اختي ..والله يسهل عليج وحاولي تخلصين تجهيز أغراض البيبي قبل دخولك الشهر الثامن لأن عن تجربه ..تعب وايد وزحمه حتى لو الباقي أشياء بسيطه ..

___

ثلج ونار ..يا هلا فيج:26:
واتحملي بروحك زين ..مثل ما قالت لج الأخت ستار ..اهم شيء التغذيه ..
ونصيحه مني كثري من اكل الكبده والأغذيه الي فيها حديد مثل الخضار الورقيه البقدونس والخس والجرجير ..عشان تضمني مخزون كافي من الحديد ..لأنه البيبي بياخذ منج حديد لين بس:42:
والحليب حاولي تشربين لتر على الأقل في اليوم..
وأنتبهي في جلستك لظهرك ..من أحين ..لأنه الظهر في اولى الأشهر يبدأ يتكيف لحمل ثقل الحمل بعدين ..دائمأ حاولي تجلسين جلسه صحيحه:)

وعن الفولك أسيد ..عادي حبه وحده ..وعن اعراض الحمل ..بعدج لااااحقه الدرب ..شائك وطويل:42: قولي ان شاءالله ما تكون نساتج صعبه والله يهون عليج ..

__
سكن قلبي طفل ..
يا هلا فيج معانا ..وراح ارسل لج رقم زهرة الصيف ..
___

عنوان الأمل ..
عذاب الليالي ..

** شخباركم ؟؟؟:26:

هلا حبيبتي ابرة العنكبوت

مشكورة على النصايح.. انا من يومين قريت موضوع في منتدى عروس ان البقدونس والكبدة موزينين في اول اشهر الحمل؟؟ يعني مو صدق؟؟

حتى انا احب التبولة.. زوجي يقول لي كل يوم بجيب لج قلت ليه اصبر بسال وبتأكد اول.. والكبدة بعد انا احبها..

وانتي اسم الله عليج ماباقي واجد.. الله يسهل لج وتولدين بالسلامة

ابرة العنكبوت
ياهلا فيش
ومشكورة على هذا الترحيب

بنات من اللي ماجاها وحم قصدي ترجيع ودوخه وتم حملها على خير؟؟

انا قمت اوسوس بسبب هالسالفه للحين ماجاني وحم ولااحس بتغير غير صدري يالمني من لما تاخرت الدوره لليوم بس وانا بالاسبوع السادس هذا اول حمل لي وميته خوف من سالفة الحمل بكيس بدون جنين .. سمعتوا من قبل عن احد صار له حمل بكيس بدون جنين؟؟

مع ان امي وعماتي مايجيهم وحم ولايتغير عليهم شي بس بعد خايفه

طمنوني الله يطمنكم ويتمم لكم على خير