امممم ... اخذ من عندهم يعني؟!!

اخاف يقصر لاني مسوية توزيعات وايد ..

بس بتوكل على الله و اخذ من عندهم لان ما عجبني

و لا محل شوكلا رحته....

امي تقول اخلي التوزيع بس للمستشفى ..

يعني اللي بيزورني بيحصل و اللي ما بيزورني

خلاص...انتوا شنو رايكم ؟؟؟؟

هلا هلا .. اقلطوا اقلطوا صبو القهوة << ههههه بفتح الهاء في قهوة

yarroo
هلا وغلا اختي
مبروك الحمل ويارب يبلغج لي تمامج
بالنسبة لي افكر اولد بالتخصصي بس للحين ما قررت (خبرج على حسب الميزانية)
بالنسبة لأغراض البيبي من شراشف وغيره ..
اختي يوم ولادتها اول مرة سوت شغلات حلللللوة وناااااعمة تمشي مع نعومة البيبي وبالذات نوعية القماش المشتخدم والألوان إذا تحبين بسألها عن اسم اسم المحل مكانه وبخبرج
ومرت اخوي بعد ماشاء الله شغل اغراضها كان راقي من قللللللللللب (بس السعر كان ارقى بوايد وهي يا حضها صاحبة المحل تصير لها فعطتها تخفيض مو طبيعي ) >>> الله لنا
واذا انتي ميزانيتج مفتووووووحة أوي :42: خريني وبجيب لج عنوان المحل


العين بصير وسارة قصيرة
الله يطول سارة آآآآآآمين وانا وياها :09:

تصدقين عاد كنا انا وزوجي مخططين نروح شهر العسل بعد شهر بعد النونو خرب علييي <<< علي بروحي لان زوجي :arb: بيسافر باجر مسكين مزنوط من الشغل ويبي يغير جو
وانا طحت بجبد روحي
بس الحمد لله بصراحة مستانسة اني حامل ويااارب لك الحمد هي نعمة ويارب ترزق اللي تتمناها


شمس الزهراء ...
قولي وراي ..
ربي لا تذرني فرداَ وأنت خير الوارثين ... ويارب يستجيب دعائج


أم يوسفي
يارب يخلي لج يوسفي
شكرا على المعلومات اللي قلتيها بخصوص الاغراض ويارب تتهنين فيهم انتي والبيبي


كبرى
الله يتمم عليك ولادتج وتفرحين بشوفة النونو
انا احس التوزيعات بالبيت حلوة بعد عشان اللي يزورج يكون له نصيب بالذات لأن المستشفى مدته قصيرة ومو الكل بيلحقون يمرون عليج بالمستشفى
الشوكولا أنا افضل جناجي حلو وسعره مناسب
في يم باتشي محلات وايد حق شوكولا مري عليهم بتلقين اشياء بتعجبج ان شاء الله صج انا ما ذقت طعم الكاكاو بس شكله كشخة

واذا تحبين للضيوف يعني تقدمينه مع القهوة
مو شرط تتقيدين بالكاكاو المغلف
في حريم يسوون أنواع راقية من الحلويات تقدرين تسوين لج وتغلفينه بشكل راقي وحلو سواء كان سويت او موالح على ذوقج

وإذا تحبين ارقام انا اعرف وحدة فنانة سويت عندها حلاوة زواجي للشغل :eek:



سانكيو بريغنينت ليديز :22:

هلا حبيبتي ليش

حلو تاريخ 1 ديسيمبر

جربي بعد مجمع الظهران الي بالسعودية

راقي وأغراضه حلوة

تسلمين على هالموضوع يالغالية

أني حامل بالشهر السابع

وموعد ولادتي 30-9 انشالله

طبعا يصادف بشهر رمضان

وأتابع عند دكتورة كيران بالبحرين التخصصي

وكل زيارة تسوي لي سونار

اني عندي دكتورة كيران أحسن من فرح

بديت أجهز لأني من الشهر الثالث ماشاالله قالت لي ان فيش بنوووتة 100%

طبعا هذا الحمل الأول لي

والحمل صار خلال أول شهر زواج

و Bhs هالأيام عنده سيل عدل

فرصه انكم تروحون وتجهزون
_________________________________


حبيبتي أم الزري

ماعليه دخلي عرض

منورة والله
___________________


حبيبتي ياروو

أني بعد ماكنت أعرف أنام الا على بطني

بس مو زين ترى تنامي على بطنك ألحين

اذا بتنامين

خلي لش وسادة بين رجولش

ووسادة على جنب

اسندي عليها بطنك

وعموما اذا تقدم الحمل انشالله

ما بتقدرين تنقلبين على بطنك أصلا

من الثقل والتعب
_________________________

حبيبتي lovly9

الواحد ما يعتمد على المراكز والله ألحين

حاولي تروحي اي مكان تسوي سونار وتتطمنين على البيبي

_______________________________

حبيبتي ام يوسفي

ههههههههههههههههههههههه

ضحكتيني على طاري الله يجازي كاس العالم

ايه والله

عطلنا شهر كاااااااااااااامل

اذا رحتي السعودية وحصلتي اشياء حلوة خبرينا

____________________________

حبيبتي منى المتفائلة

هلا بيكي منورة

والله يرزقك الحمل الصالح قريب انشالله وتنضمي ويانا

_________________________

حبيبتي العين بصيرة وسارة قصيرة

الله يقومك بالسلامة انشالله ويتمم لك حملك

ويعوضك عن المرة الي راحت

قولي لنا وش جهزتي ومن وين أخذتي الأغراض

ترى أني ماعندي خبرة

__________________________

حبيبتي مباااهج

يارب يارب يارب تحملي هالشهر وتنضمي لينا

حبيبتي أم سلمان

الله يعوضك ويثبته لك انشالله

بس انتي ارتاحي في الأشهر الأولى

_____________________

حبيبتي الحي الريفي

سبحان الله

توي في المشاركة الي راحت قلت ان كيران أحسن من فرح

هذا في رأيي طبعا

وكل وحدة لها رأي أكيد
___________________

حبيبتي نادية

يارب تحملي قريب وتنورينا

بس اسمها دكتورة كيران

مو كيرلان
_______________________

حبيبتي مريوووووووووووم

تصدقين ان لهجتك بحرينية

الله يرزقك حبيبتي بالحمل قريييب

________________________

حبيبتي جناااااااااااان

الله يعوضك يالغالية

مرحبا...

حبيبة قلب زوجي...

شكرا على ردك و اهتمامك.... انا بالبيت باخذ شوكلا

عادية من مخبز المنار... بدون تغليف بس طعمها روووووعة

و الكيلو بخمسة على ما اعتقد ...

في الناصفة السنة الماضية شريت لليهال شوكلا بست ..

كانت حلوة ...بس اريد شي ارقى خخخخخخخخ

المشكلة الميزانية .... لازم ارتبها...

بتوكل على الله و باخذ من جناحي كيلوين و خلاص

و الباقي باخذ اي كلام ...

و توزيعات البيت بخليهم لصديقاتي و السبشل بس

يعني نسوان و ربع امي.....ما يحتاج .