هلا اختي لينا

انا والله احب ان يكون شغلي بنفسي احسن

وطريقة الاسفنجه رائعه وحلوة..

بس احاول اسويها لان مثل ما تعرفيين الصاله كبييرة يبيلها واحد فاضي صح ..

بعد طريقة النقشه حلوة لاني جربت مرة نقشه رووعه على شكل ورقه عنب

ولصقتها على الحائط وطبطبت عليها من داخل بقطنه بعد ما غمستها بالصبغ

طلعت رووعه وهذي الطريقه اللي بالقطن يسمونها ترخيم

يعني الورقه صارت مثل شكل الرخام من داخل

زهرة الاسلام ماشاء الله عليج فنانه،،، انا توقعت انج تتخوفين من انج تضيفين التغيرات بنفسج،،، طلعتي داهية وانا ماادري،،، عني انا تبين الصدق ما اتجرأ اني اسوي ها العملية بنفسي لاني اخاف اخبص بالدنيا وبعدين يطلع مب حلو خصوصا اني ما جد جربت من قبل،،، العملية تنشاف وايد سهلة بس تنقصني الثقة شوي في التجربة نفسها،،، والله انا ودي ايرب بس اخاف ما يعب زوجي بعدين وابتلش،،،، عن الترخيم هااللي قصدته بالضبط،،، ما شاء الله عليج ما تحتايين وصاية،،، على العموم بعد خبريني شو بتسوين ،،، لاني ابغي استفيد من تجربتج،،، تسلمين الغالية،،،

هلا اختي لينا..

انا يعني نص ونص احيانا اكون خوافه خاصة اذا كان احد معتمد علي بالعمل..

بس احب اشتغل الشغل بايدي ...

وانت اول شي يااختي سوي عيينه بعدين اذا اعجبتك حاولي تطبقينها

مثلا

انا اول شي جربتها بالمطبخ وطلع شكلها رووعه

وبعدين رحت طبقتها بالغرفه على شكل اطاار بالطوفه ..

والطريقه سهله مرةة

انت بس تحتاجين لاصق ترسمين عليه الرسمه اللي تبينها وبعدين تفرغينها بالمقص او بالمشرط..

وتلصقينها على المكان اللي تبين تسوين فيه الزخرفه اللي رسمتيها..

وتغمسين القطنه بالصبغ بس لازم ما تخلينها مشبعه الصبغ امسيحها اول...

بعدين طبطبي على الرسمه من داخل وبعدين شيلي الاصق..

حاولي اختي انك تجربينها راح تطلع روعه والله..

وان شاء الله تعجب زوجج بعد..


شكرا لك اختي..

واذا سويتها خبريني شلون صارت اوكي..

اما صبغ الصاله خلاص اقتنعنا فيه
.وبعد ما نشف صار لونه افتح

مع السلااااااامه