...يا يمه جددي لي هاالامل...

السلام عليكم

شحالكم عسالكم طيبين؟؟

بلا مقدمات نبدا

انا انسانه ضعيفه بمعنى الكلمه :(

وثقتي بنفسي معدوه من كل شي ودوم احس اني ولا شي

واعطي الناس كل شي وعلى حساب نفسي اوقات كثيره

ابي اغير شخصيتي متعبتني حيل

من صغيره واهلي الله يسامحهم والاصدقاء وكل اللي اعرفه

ولدو فيني هالمشاعر واوقات مااقدر عمري..

شوفو بقول لكم قصتي من فتحت عيني وانا اشوف المشاكل فالبيت وربي مااقص

عليكم وكل يوم بعد ولد فيني عدم الامان والخوف :(

وشفت مواقف كثيره من الاهل والاصدقاء خلو فيني انعدام فالثقه

دايما يقولون لي لا شكل ولا وظيفه ولا شهاده شرات الناس

ولا زوج...اللهم لك الحمد هاذي حمكه ربي شسوي انا

والله فيني غصه محد يعلم بها امس امي تقول هي ندمانه انها

ولدتني :( حسيت بألم فضيع والله

وانا شيخصني دام انا جيييه وحياتي جيييييه

وتقول انه مالي شخصيه ابد..البركه فيهم :(

وابوي الله يحفظه دايم يعايرني بكل شي اسويه جني عاله عليهم

وربيعاتي كلهم ما مصالح والله محد قادر يفهمني

واختي الكبيره ماتكلمني والله

بسبب تافهه جدا وماانكر اني اعتذرت لها فوق العشرين

ترد تقول مانها بحاجه لهاذي الاشكال

دايما بروحي والله

ابي اتغير..وبعد لما جا شخص خطبني ماعيبني لاسباب مقنعه بالنسبه لي

يقولو اني عبالج بييلج واحد غير ولاتحلمي

طيب ليش مااحلم حتى الحلم تستصعبوه علي

يمكن بسبب الاسباب اللي قلتها لكم فوق وزياده عليها سمنتي

اللهم لك الحمد..ونفس اليوم بنت خالي كانت معصبه حطت حرتها فيني

وسبتني وقالت يابقره جدام اللي يسوى واللي مايسوى

الكل توقع اني برد عليها تعرفون شسويت ...خليتها ورحت هذا جزاتي يايه

اواسيها اونه وعقب قلت الله يسامحها شكلها معصبه وعذرتها

بس والله الحركه قهرتني حسيتها استصغرتني جدام الكل..شسوي :(

وخواااااافه واايد من المشاكل واحاول اتهرب منها باي طريقه

حتى لواعتذر للانسان اللي ظالمني ماعندي مانع بس

اهلي مايهاوشوني ولا حد يطمش علي

وفي جرروح وجروح وجروح مابي اكملها

وفي جرح قسم بالله ابى انه يضمد

والله اني احاول وايد عسب اتغير

واتغير واصير انسانه غير انا ماقدر

ابي اصيره كبيره فعيون الناس وعيون نفسي والله

ابي افرح امي وابوي وابيهم يفخرو فيني

وابي اختي تسامحني ونرد شرات قبل

وابي اعيش بثقه وامن مب من كل كلمه اظهرها اخاف منها

وابي انسى كل شي صار وابدا صفحه يديده مع نفسي

وابي احب نفسي وابي اشيا وايد


ابي الخوف من المستقبل يروح ويجي بداله امن واستقرار

ابي حياتي تتغير والناس اللي حولي يحبوني لنفسي

.........................

وابي منكم رد يرد الروح ويجدد الامل في حياتي

ارجوكم لاتبخلو علي