يباركون لي لاني تطلقت؟؟؟

السلام عليكم يا بنات يا حلوين انا اول مرة اشارك في هذا المنتدى الرائع واصلا توني جديدة على عالم النت ....طبعا انا الان مطلقة وتصدقون كل الناس يباركون لي :icon28:باحكيلكم قصتي بإختصار الله بلاني بمدمن وراني العذاب اشكال الوان وانا صابرة ولااحد من هلي داري وكل مرة اقرر خلاص مااقدر اتحمل تصرفاته يبكي ويحلف انه يعدل حياته وانا عاد فيني حاله خاصه احب العب دور المنقذ والبطل...انا بساعده يحسن حياته وانا بسوي وانا...وانا ...لحد ماصار عندي شبه انهيار نفسي تخيلوا احدىعشر سنه زواج وهو لاوظيفه ولابيت عايشين على الله ثم اخوانه اللي مايبونه يتوظف عشان لايفضحهم (هذا اللي اكتشفته بعدين الله لايسامحهم)وامه كانت من النوع الصعب جدا تكبر وقوة وقسوة حتى على اليتيمه اخت زوجها ..عاد انا رحت لهلي وقلت هذا مكاني ماعاد اقدر والحمدلله بعد سنه كامله جاني طلاقي بس الغصة الوحيدة 3من عيالي عنده وباموت من شوقي لهم الله يعيني ويصبرني:(والان اباابدا حياتي من جديد فحمسوني انا الان بأكمل دراستي واحاول ابدا مشروع فايش تقترحون وشكرا