يبر امه خوفا من زوجته هههههههههه اول مرة اسمعها بحياتي

السلام عليكم ورحمه الله وبركاته


حبيباتي حوائيات الغاليات على قلبي اسال الله ان يجمعنا على طاعته وعلى الخير

ابي رايكم بزوجه اعرفها لي قريبه

تزوجت صغيره في العمر ودشت بيت اهل الزوج وهي بنت ناس وعز ومدلله عند اهلها الزوج ماقصر حطها فوق راسه ومدللها يحبها

المشكله اهله انصدم الزوج باهله ومن معاملتهم للزوجه وهي مصدومه والله يابنات تغيرت صار وجهها مهموم مغموم وتحاول لي اخر نفس فيهم انها ترضي ام زوجها وخواته ولا حياه لمن تنادي

وكنت اقول لها انتي مسحورة انتي وين وهم وين وماقصرتي رايتج بيضه شتسوين يحبونج غصب

الزوج جزاه الله خير طلعها وهي تبجي تقول مابخلي امك بس لان البنت نفسيتها تعبت حييييييييييييييل وصار وجهها هزيل ومشاكل مع الخدم تقول لها خالتها خلي خدامتج عندج وهي غرفه وحمام ومطبخ وين تخليها
وتاخذ الاكل من الخدامه اذا بتاكل تقول لها اكلي عند معزبتج
والبنت اول ماجتها خدامتها قالت لها اهم شي ماما كبير ديري بالج عليها وكلمتها الاولى
وهدايا ونفس حلوة مع انها دلوعه مو مالت هالسوالف والله لدرجه اهملت زوجها تركض وراهم

المهم هي الحين ارتاحت ببيت بروحها وشايله زوجها وعيالها والله يابنات كل من يشوفها يقول لها محلوة متنت وتعافت
ونفسيتها تحسنت الحمد لله

وكله توصي زوجها بامه وابوه وتعطيه من فلوسها تقول عطهم واهدي لهم وهم مايدرون وعطت خالتها خدامتها وهم مايدرون وزوجها كل يوم يدق على امه ويزورها يوميا يقول بفتك منج امك وامك مع انه بار باهله ويحب امه
وحسنت علاقه زوجها بابوه لانه متزوج على امهم وكارهينه العيال
الحين الابو مع ولده زي السمنه عالعسل وباار فيهم ولله الحمد

بس بنات انا اشوفها عن قريب احسها زايده العيار حبتين كيفه هو واهله واهو رجااااااال والنعم كل من يشهد له

ايه نسيت اقول خوات زوجها مو عاجبهم بر اخوهم منن الغيره يدورون الزله عشان يقولون زوج فلاااااااااانه سوا اعوذ بالله ياالدنيا جنه مو اخوهم

المهم اختنا رافعه الجام وحاطتهم بالمقدمه تقول رضاء لله وابتغاء مرضاته خل اللي يقول يقول واللي يتكلم يتكلم

شرايكم بنات بالبنت جنها مزودتها شوي :26::26:

حيلكم فيها مديح والا ذم محللين كاهي يمي تقرا وتضحك