يبغاها طويله ونحيفه وبيضه وشعرها ناعم ومعلمه ... والغش حرام .. طيب وش السوات

السلام عليكم ورحمة الله وبركاته
وكل عام وانتم بخير وصحه وسلامه وعافيه وسعاده وافراح يارب
محتاره ليه فتره وخاطري انزل هذا الموضوع من فتره بيسطه بس اجلته لغاية اليوم قلت
اتوكل على الله واكتبه لاني فعلا محتاره
بنات انا الان محتاره وش اسوي :06:
اقول لكم وش القصه
بنات ماتلاحظون مثلي انه اغلب البنات الي غيروا بنفسهم تزوجوا يعني مثلا الي عملت تقويم
والي كانت دوبه ونحفت نفسها ويوم يجي وقت الشوفه تلبس مشد ولون اسود علشان مايبان شي
والي شعرها خشن تسوي كراتين او استشوار وومدري وش يحطون عليه ويطلع كانه ناعم وسايح
والي تلبس كعب عالي مره علشان تبان طويله
والي تبيض نفسها
والي تنمص زي اللبنانيات الموضه الي طالعه زي ماهي عاملتها ميساء المغربي معنوا كثيرر بنات يقولون
انه الي ماتتزوج يربطونه بالذنوب معنوا انا اعرف كثير بنات نمصوا ورتبوا حواجبهم وصبغوها وتزوجوا
بنت عمتي الان شكلها عامله ليز المهم ماشي مع الموضه والان هيه مملكه ربي يتمم عليها بالخير والسعاده يارب
كلهم هذولي مايمر كم اسبوع من تغيرهم الا ويتزوجون
طيب مو هنا المشكله انا اقول لكم وين مشكلتي
اهلي مايبون اسوي اي شي لا استشوار ولا ميك اب كثيرر ولا شي علشان الغش
طيب ياناس ياعالم اذا الناس يحبون الغش وياخذونك لانك غشاشه طبعا هو اهتمام مو غش بس على قولت اهلي غش
المهم يابنات انا الان ماعندي اي مشكله غير بشي واحد بس هوه اني مو بيضه وكل الي يجي يبي بيضه مايبون
يتنازلون ولا عن اي شي يبوني البنت كامله كل شي
طيب يابنات اسوي خلطات واطلع بيضه واحط كريم اساس ابيض وبكذا اصير بيضه بس اخاف
اخاف هذا يكون غش واخاف بعد الزواج يشوفني غير ويطلق او يتكلم عني اني غشاشه
مع العلم يابنات انه كل البنات الي غيروا بنفسهم مااطلقوا
ومع العلم كمان يابنات انه في امهات تعرف انه فلانه كانت سمره او كانت دوبه وعارفتها كويس ورغم كذا بعد ماغيرت
بنفسها واهتمت وبيضة نفسها ونحفت نفسها خطبتها لولدها
وهيه تعرف وش كانت قبل ومع ذلك خطبتها وتركت الي اصلا هيه لونه زين وقمحي ومو معدله بلونها واصلا نحيفه مو عامله رجيم
طيب يابنات شوروا عليه وش السوت اشوف الكل يغير بنفسه ويتزوج وانا متررده واقول لاماابي اغير خلن على طبيعتي
بس هذا التفكير بعد فتره طويله من السنين وبعد ماشفت انه الكل بيتزوج وماشي حاله بدات اغير تفكيري واشوف نفسي عادي اجرب زيهم واشوف بس كمان خايفه ومحتاره
طيب بنات انتوا وش رايكم
ادري طولت عليهم بس وربي اني من زمان افكر بهذا الشي ومحتاره ومو عارفه وش اسوي
مدري والله ايش اقول بلا خلاص بس
ومن العايدين
الله يعين يارب
ولا حول ولا قوة الا بالله