يبغى يسكني جنب امه بس خايفه ... 💔

بنات اختي زوجها يبغى يسكنها فترة مؤقته ببيت قريب من بيت أمه يعني دقيقه وهي عندها , تقريبا لمدة سنتين او ثلاث وهي رفضت قالت ما ابغى اسكن قريب من بيت أمك وفي الخلا ؟! ابغى اسكن في المدينة نفسها يعني بكذا راح تكون المسافة بين بيت أمه وبيته 10 دقايق ورفض قال الا بسكنك عند أمي
المشكلة زوجها هو بنفسه ينصح أصحابه. ويقولهم لا تسكنون قريب من الأهل وكذا تجنبا للمشاكل واللحين جاي هو يبي يسكنها جنب أمه وقالت له انت ماكنت تنصح أصحابك مايسكنون قريب من امهم ومن ذا الكلام قال انا غير انا راح اسكن هنا فترة مؤقته و أمي هنا لوحدها مع أبوي ماعندها احد ..
قالت طيب نحنا ماقلنا شيء قلنا نبغى نسكن بنفس البلد والمسافه بينكم 10 دقايق
قال كذا وش الفايدة انا بخدم أمي ؟قالت له مو كان أحسن لو انك ماتزوجت وجلست تخدم امك وتبرها ؟!!
لانه دايم مطفشها بالسكن عند أمه
المشكلة يابنات انو دايم اذا راحوا عند أمه وجلسوا عندها أسبوع تحلف اختي انها ماتشوف وجه زوجها الا عند النوم
دايم أمه شاغلته سوي كذا وجيب كذا ونظف البيت وودني وجيبني و سوالف لآخر الليل اذا قفلت الباب شويه مع زوجها ع طول تنادي ولدها او تدخل وتقول أبغاك
هذي هي وماسكنت جنبها كيف اذا سكنت ؟!!
وتقول انه هناك يتغير عليها حتى كلام مايكلمها وحتى ينفخ عليها واذا رجعوا لبيتهم وبيتهم طبعا بمنطقه ثانيه بعيييييييده يصير طيب وحبوب ومستحيل ينفخ عليها الا اذا راح عند أمه الا لازم يتغير عليها 🙁
وغير كذا لاحظت انه امه تغار ع ولدها منها بعطيكم موقف فيه مرا كانت هي تكلم امه عن عيالها وأنها بتحط للأولاد غرفه نوم بالغرفه الفلانيه الا ووجهها يتغير وكأنها معصبه وتقول ريحي نفسي لا تحطين غرفة نوم ولا شيء وولدي بينقل عندي و من ذا الكلام وقامت هي ترد ولما اتكلمت سفهتها وكلمت بنتها تسألها عن زواج فلان وردت عليها بنتها ولما سكتت سألت اختي بنتها انتي فين تنومين اولادك وهي تسأل الا وامها مرا ثانيه تقاطع وتفتح هرجه ثانيه مع بنتها
وموقف ثاني تجي امه تقولها انا بأخذ ولدي معي للديره قالت خذيه وسكتت ماقالت شيء وكذا مرا لما تجي عندهم تقول بزوج فلان قدام زوجها ومرا زعلت وبكيت وقالت انا كنت امزح معها بس زوجتك ماتتحمل المزح


المهم أنتم وش رأيكم ماتحسون البعد افضل ولو بمسافة بسيطه اللي هي عشره دقايق ؟؟!ولا تغصب نفسها و تسكن قريب منها ؟!