يبكي عشاانها وقطع قلبي عليه

حياكم الله:)

بدخل بالموضوع على طول واتمنى الاقي عندك حل الله يجزيكم خير
عندي اخوي الله يهديه اعترف لي انه له علاقه ببنت شيعيه من 4 سنوات وانه متمسك فيها ولا يبي غيرها ويبيني اساعده في اقناع امي وابوي انهم يخطبونها له بس رافضين ومصرين على رايهم بالرغم من محاولاته معاهم
وصار هواش على هالبنت ماراح يتزوج طول عمره اذا مايخطبونها له ويقول ان هالبنت وقفت حياتها عشانه صارت ترفض كل من يتقدم لها ولا تبي احد غيره
وتقدم لها وطلبها من ابوها ونفس الشي اهلها مب موافقين بسبب المذهب

وانا خايفه عليه صارت حالته حاله كله كئيب ومعتزل ومايطيق يكلم احد ونفسيته زفت واثرت حتى على شغله واول مره اشوفه يبكي ويقولي تكفين حسي فيني:(

وصار يهدد ويقول اذا مااخذ هالبنت راح اخذها بالقوه غصب عنكم وعن اهلها وانتو اللي بتندمون اذا صار ماصار ومثل ماضحت هالبنت عشاني كل هالسنوات مستحيل اضحي فيها واخليها تروح لغيري ولما قلت له ان مذهبها بيكون له تاثير على عيالكم بالمستقبل قالي انا الرجال وانا اللي راح تمشي على كلامي وهي وعدتني انها تغير مذهبها وتكون مثلي

وكل ماجا نفسيته تدمر اكثر واكثر لدرجة اني كلمت البنت وحاولت اني اخليها تبعد عنه لكنها صارت تبكي وتقول ماتقدر تاخذ غيره عقب ماتعلقت فيه
يعني اثنينهم متعلقين ببعض :(


الله يبعد عنكم كل مكروه وش تقترحون علي والله حالته تقطع القلب انا عارفه انه غلطان بهالعلاقه بس قدر الله وماشاء فعل بعد اذا فات الفوت ماينفع الصوت لالاسف ماعرفنا الا متاخر يعني تعلقو ببعض لدرجة صعب التفريق بينهم

تكفووون لاتردوني طالبه مشورتكم:(